10.10.2026 | 18:18
ԶՈՒ ԳՇ պետն այցելել է մի շարք զորամասեր
«ՀՀԿ-ն վարչական լծակների վրա հույս չի դրել»․ Վիգեն Սարգսյան. ՏԵՍԱՆՅՈՒԹ
Քաղաքականություն
09.12.2018 | 11:17
«Մեծ ակնկալիք ունեմ, որ հանրությունն այսօր ակտիվ կմասնակցի ընտրություններին։ Անկախ նրանից՝ ով ինչ դիրքորոշում ունի, ամենավերջին բանը, որ կարելի է անել այսօր, տանը նստելն է։ Պետք է գնալ և քվեարկել»,- 9/47 ընտատեղամասում իր քաղաքացիական պարտքը կատարելուց հետո ասաց ՀՀԿ ցուցակը գլխավորող Վիգեն Սարգսյանը։
Նա ընտրատեղամաս էր ներկայացել ընտանիքի անդամների ուղեկցությամբ։ Վիգեն Սարգսյանը համառորեն խուսափեց պատասխանել հարցին՝ կկարողանա՞ այս անգամ Հանրապետական կուսակցությունը բարձր տոկոսներ խփել, ինչպես անում էր Սերժ Սարգսյանի տարիներին։
Պարոն Սարգսյանն ակնկալում է, որ օրվա վերջին կունենանք ավելի համախմբված հասարակություն; «Հասարակությունը սևերի ու սպիտակների բաժանելը ուղիղ ճանապարհ է դեպի ներքին թշնամու ձևավորում։ Իսկ պաշարված բերդում ներքին թշնամին ամենավատ բանն է, որ կարող է լինել։ Մեզ պետք է ավելի ամուր, ավելի համախմբված, արագ տեմպերով զարգացած երկիր»,- ասաց Վիգեն Սարգսյանը։
Նա տեղեկացրեց, որ նախկին նախագահ Սերժ Սարգսյանը ևս մասնակցելու է ընտրություններին։ ՀՀԿ-ն առաջին ընտրություններին է մասնակցում, որտեղ դժվարությամբ է կարողանալու վարչական լծակներ կիրառել։ Վիգեն Սարգսյանը մտահոգված չէ․ «ՀՀԿ-ն վարչական լծակների վրա հույս չի դրել»։
