23.09.2026 | 21:12
Մհեր Գրիգորյանն ու Մեծ Բրիտանիայի դեսպանը քննարկել են երկկողմ օրակարգն ու տարածաշրջանային զարգացումները
Հերթական խոշոր պարգևատրումը․ 87 մլն դրամ՝ ՀԿԿ-ի ծառայողներին
Հասարակություն
23.09.2026 | 19:50
Կառավարության պահուստային ֆոնդից 87 մլն դրամ է հատկացվելու Հակակոռուպցիոն կոմիտեի 5-ամյակի կապակցությամբ՝ աշխատողներին պարգևատրելու նպատակով։
Նախագծի հիմնավորման մեջ նշվում է, որ կոմիտեն դարձել է կոռուպցիայի դեմ պայքարի ոլորտում առանցքային մասնագիտացված կառույց։
Հիմնավորման համաձայն՝ այս պարգևատրմամբ խթանվում է կոմիտեում ինքնավար պաշտոն զբաղեցնող անձանց և օպերատիվ-հետախուզական գործառույթներ իրականացնող ծառայողների գործունեության արդյունավետության հետագա բարելավումը։
Թե ինչպես է 87 մլն դրամը բաշխվելու աշխատակիցների միջև՝ նախագծում հստակեցումներ չկան։
Հիշեցնենք՝ պաշտոնյաներն ու պետական ոլորտի աշխատակիցները երկու օր առաջ էլ պարգևատրվել էին ՀՀ անկախության օրվա առթիվ։
2027 թվականի հունվարի 1-ից էլ շեշտակի բարձրանալու է պաշտոնյաների աշխատավարձը։ Այդ նպատակով 25 մլրդ դրամ է հատկացվելու։
Նարեկ Կիրակոսյան
