20.08.2026 | 22:07
Ոստիկանները ավազակության մեղադրանքով հետախուզվողի են հայտնաբերել
Մի՛ թողեք, որ ձեզ կտտանքների ենթարկեն, տարբեր հոգեբաններ են ինձ գրում․ Երեմյանը՝ «Ուժեղ Հայաստանի» թեկնածուին. ՏԵՍԱՆՅՈՒԹ
Քաղաքականություն
20.08.2026 | 19:51
Ազգային ժողովի ֆինանսավարկային և բյուջետային հարցերի մշտական հանձնաժողովի նախագահի քննարկման հարցուպատասխանի ընթացքում իշխանական պատգամավոր Ռուզաննա Երեմյանը, դիմելով «Ուժեղ Հայաստանի» թեկնածու Լիանա Մանուկյանին, կարծիք հայտնեց, թե Մանուկյանը ամբիոնից պատասխանելիս պարբերաբար նայում էր իր խմբակցության ղեկավարի կողմը՝ հուշումներ ստանալու ակնկալիքով։
«Ինչպե՞ս եք վերաբերվում նրան, որ երկրի թիվ մեկ ամբիոնին կանգնած՝ ձեր խմբակցության ղեկավարը ձեզ հուշումներ է ցույց տալիս, դուք աշակերտի նման անընդհատ նայում եք ձախ։ Չորս անգամ նույն հարցին տալիս եք տարբեր պատասխաններ։ Ինձ արդեն տարբեր հոգեբաններ են գրում և վերլուծություններ ուղարկում։ Խնդրում եմ ձեզ՝ մի՛ թողեք, որ ձեզ այս կտտանքների ենթարկեն»,— ասաց Երեմյանը։
Պատգամավորի արձագանքին, թե հուշող գրությունները հեռվից կարդալու փորձերը ավելորդ լարվածություն են առաջացնում, թեկնածուն հումորով է հակադարձել.
«Ինձ թվում է՝ ես նման չեմ մարդու, ում կարելի է կտտանքների ենթարկել։ Ու մի՛ գերագնահատեք իմ տեսողությունը. էստեղից էնտեղ չեմ տեսնում, որ կարդամ»։
Մանրամասները՝ տեսանյութում։
