27.09.2026 | 18:41
ՏԻՄ ընտրությունների մասնակցության արդյունքները ըստ համայնքների՝ 17։00-ի դրությամբ
«Մանկապարտեզի ու համայնքապետարանի լուսավորության վրա հավելագրումներ են գտել․ փա՞յ եք մեջը»․ Ղազինյան․ ՏԵՍԱՆՅՈՒԹ
Քաղաքականություն
05.08.2026 | 17:29
Ազգային ժողովի նիստում պատգամավոր Արթուր Ղազինյանն անդրադարձել է քաղբանտարկյալների խնդրին, էներգետիկ համակարգում տիրող իրավիճակին և իշխող ուժի կողմից հնչող մեղադրանքներին։
Պատգամավորն անդրադարձել է իշխանական թեզերին, թե «Հայաստանի էլեկտրական ցանցերի» (ՀԷՑ) վարկերի տոկոսները ներառված են սակագնի մեջ և վճարվում են քաղաքացիների կողմից։ Ղազինյանը հիշեցրել է Հանրային ծառայությունները կարգավորող հանձնաժողովի նախագահի պարզաբանումը. «ՀԷՑ-ի վերցրած վարկերի տոկոսները սպասարկում է Սամվել Կարապետյանը իր գրպանից և չի մտնում սակագնի մեջ»։
Նա մեղադրել է իշխող ուժին ժողովրդին սուտ տեղեկատվություն հրամցնելու մեջ և հորդորել ներողություն խնդրել։ Խոսելով համակարգում իրականացվող ստուգումների մասին՝ Ղազինյանը հայտնել է, որ նոր կառավարիչը հավելագրումներ է հայտնաբերել պետական կառույցներում։
«Տարբեր պետական հիմնարկներում, այդ թվում՝ Գյումրու մանկապարտեզի և Մասիսի քաղաքապետարանի լուսավորության վրա հավելագրումներ են գտել։ Հիմա հարց՝ փա՞յ եք մեջը»,- ասել է նա։
Նա ընդգծել է, որ Սամվել Կարապետյանը որևէ կապ չունի այդ առանձին դեպքերի հետ։
Մանրամասները՝ տեսանյութում։
Եվգենյա Համբարձումյան
