27.09.2026 | 20:00
Չորս համայնքում ՏԻՄ ընտրությունների քվեարկությունն ավարտվել է․ սկսվել է հաշվարկը
AI-ը լավ բաներ չասաց Կոնջորյանի մասին. ձեր նման լինեինք,«թալանչի» էինք ասելու ձեզ. Քրիստինե Վարդանյան. ՏԵՍԱՆՅՈՒԹ
Քաղաքականություն
04.08.2026 | 16:23
Ազգային ժողովի նիստի ժամանակ «Հայաստան» խմբակցության պատգամավոր Քրիստինե Վարդանյանը ոչ միայն անդրադարձել է Կոնջորյանի քաղաքական հետագծին, այլև խոսել է նրա եղբոր մասին։
Նրա խոսքով՝ Հայկ Կոնջորյանի եղբայրը՝ Ավետ Կոնջորյանը, 2025 թվականին զրկվել է վարորդական իրավունքից, սակայն 3 ամիս անց կրկին մեքենա է վարել և հայտնվել քրեական վարույթի տակ։ Միևնույն ժամանակ, ներկայացվել է տեղեկանք, թե նա դատված չէ, ինչի շնորհիվ խուսափել է ազատազրկումից և վճարել փոքր տուգանք։
«Հայկ Կոնջորյանի եղբայրը 2010 թվականին, պարզվում է, դատված է եղել… խարդախության հոդվածով։ Եթե Ավետ Կոնջորյանը չլիներ Հայկ Կոնջորյանի եղբայրը, նա հնարավորություն կունենա՞ր ՆԳՆ-ից ստանալ տեղեկանք, որ դատված չի եղել»,- հարցրել է Վարդանյանը՝ ակնարկելով պաշտոնական դիրքի չարաշահումը։
Վարդանյանը պատմել է, որ արհեստական բանականությանը (AI) խնդրել է գնահատել Կոնջորյանին։ AI-ն առաջարկել է հետևյալ վերնագրերը. «կոռուպցիոն կրկեսի գլխավոր ակրոբատ», «օրենքից վեր դասված ֆեոդալական կաստայի ներկայացուցիչ» և «իշխանական քլիկբեյթի գրոսմայստեր»։
Վարդանյանը նաև հերքել է իշխանությունների այն թեզը, թե բոյկոտող ընդդիմությունը վարձատրվում է։ Նա նշել է, որ բոյկոտի հետևանքով ինքը ստացել է ընդամենը 200,000 դրամ աշխատավարձ։
«Մի՛ խաբեք, մեղք է մեր հանրությունը… ընդդիմադիրները կրում են այդ հետևանքը»,- եզրափակել է նա՝ դիմելով դատարկ աթոռներին։
Մանրամասները՝ տեսանյութում։
Եվգենյա Համբարձումյան
