31.07.2026 | 15:55
Ռուսաստանը տևական ժամանակ անց առաջին անգամ հյուսիսկորեական հրթիռ է կիրառել․ Զելենսկի
Մ-17 ԱԱ. Դավիթ Բալեյանը կիսաեզրափակիչ դուրս եկավ Բաքվում
31.07.2026 | 13:55
Բաքվում մեկնարկած ազատ ոճի ըմբշամարտի աշխարհի մինչև 17 տարեկանների առաջնության առաջին մրցումային օրը պայքարի մեջ են մտել Հայաստանի երեք ներկայացուցիչներ, որոնցից մեկը նվաճել է կիսաեզրափակիչի ուղեգիր:
Դավիթ Բալեյանը (55 կգ) որակավորման փուլում 8:6 հաշվով հաղթել է լեհ Մացեյ Մրոժեկին, իսկ 1/8 եզրափակիչում նրա մեքսիկացի մրցակիցը հրաժարվել է գոտեմարտից: Քառորդ եզրափակիչում հայ ըմբիշը 4:1 հաշվով ուժեղ է գտնվել վրացի Սաբա Մինդիաշվիլիից ու դուրս եկել կիսաեզրափակիչ, որտեղ կմրցի ուզբեկ Ջախոնգիր Տուլկունովի հետ։
Էրիկ Պապիկյանը (65 կգ) որակավորման փուլում 9:1 հաշվով վստահ հաղթանակ է տարել ադրբեջանցի Ռաշիդ Նազարովի նկատմամբ, իսկ 1/8 եզրափակիչում 1:8 հաշվով պարտվել է Ռուսաստանի ներկայացուցիչ Մագոմեդ Իբրագիմովին ու ավարտել ելույթները:
Վահե Ասլանյանը (80 կգ) որակավորման փուլում 2:6 հաշվով պարտություն է կրել ռուս Կանտեմիր Ելմեսովից ու դուրս մնացել հետագա պաքարից:
Ազատ ոճի ըմբշամարտի Հայաստանի Մ-17 հավաքականի կազմում մրցավայր են մեկնել նաև Մուրադ Ղարիբյանը (51 կգ), Գրիշա Գևորգյանը (60 կգ) և Վարուժան Ասլանյանը (71 կգ), որոնք պայքարը կսկսեն օգոստոսի 1-ին:
Հիշեցնենք, որ հունահռոմեական ոճի ըմբշամարտի Հայաստանի Մ-17 հավաքականն աշխարհի առաջնությանը մասնակցել էր 10 ըմբիշով ու նվաճել 1 ոսկե և 2 բրոնզե մեդալ: Ջանես Նազարյանը (71 կգ) նվաճել էր աշխարհի Մ-17 չեմպիոնի կոչումը, իսկ Արարատ Ավետիսյանը (48 կգ) և Գևորգ Հարությունյանը (51 կգ) դարձել էին բրոնզե մեդալակիր:
