29.07.2026 | 14:59
Հանկարծամահություն չէր․ Աջափնյակում մահացած տղամարդու դեպքով սպանության վարույթ է նախաձեռնվել
Միջադեպի մասին մամուլից եմ տեղեկացել. Ղալումյանը՝ Կոնջորյանի եղբոր ծեծի դեպքի մասին
Քաղաքականություն
29.07.2026 | 13:27
ԱԺ «Քաղաքացիական պայմանագիր» խմբակցության պատգամավոր Հայկ Ղալումյանը ՔՊ վարչության նիստից առաջ լրագրողների հետ զրույցում անդրադարձավ ԱԺ-ում առաջիկա պաշտոնների բաշխմանը և վերջին օրերին մամուլում շրջանառվող Հայկ Կոնջորյանի եղբոր ծեծի հետ կապված միջադեպին: Խոսելով հնարավոր պաշտոնանկությունների կամ նոր նշանակումների մասին՝ պատգամավորը նշեց, որ այդ հարցերը որոշվելու են կուսակցության վարչության նիստի ընթացքում: Անդրադառնալով ընդդիմության հնարավոր հավակնություններին հանձնաժողովների նախագահների պաշտոններին՝ Ղալումյանը նշեց՝ նորմալ է վերաբերվում նման հեռանկարին:
Լրագրողները Ղալումյանից հետաքրքրվեցին նաև Հայկ Կոնջորյանի եղբոր մասնակցությամբ ծեծկռտուքը միջադեպով։ «Այդ միջադեպի մասին մամուլից գիտեմ, ամբողջական պատկերացում չունեմ, մեկնաբանելու կարիք չեմ տեսնում»,- ասաց պատգամավորը՝ հավելելով, որ թեև տեսել է տեսանյութը, սակայն այն ամբողջական պատկերը չի փոխանցում: Հարցին, թե արդյոք այս հարցը կքննարկվի վարչության նիստում, Ղալումյանը նշեց, որ տեղյակ չէ օրակարգից. «Վարչությունն է որոշում»։
Մանրամասները՝ տեսանյութում։
Արփի Հակոբյան
