17.12.2025 | 21:22
Արագածոտնի թեմը վաղվա պատարագը տեղափոխում է Մայր Աթոռ. այն կկայանա նույն ժամին, ինչ 10 եպիսկոպոսների հայտարարած հավաքն է
Էրեբունիում ԲՀԿ-ն բուկլետ բաժանողներին 10 հազար դրամ է վճարու՞մ
Քաղաքականություն
03.12.2018 | 17:31
«Բարգավաճ Հայաստան» կուսակցությունը նախընտրական բուկլետներ բաժանողներին մեկ օրվա համար վճարում է 10 հազար դրամ: Այս մասին Factor.am-ն ահազանգ ստացավ Երևանի Էրեբունի վարչական շրջանի Խաղաղ Դոնի փողոցից:
Մեզ դիմած քաղաքացին փոխանցեց, որ այդ գործընթացը իրականացվում է առավոտյան 10:00-ից մինչև 16:00-ն ընկած ժամանակահատվածում: Էրեբունին Կենտրոն, Նուբարաշեն և Նորք-Մարաշ վարչական շրջանների հետ միասին ընդգրկված է թիվ 4 ընտրատարածքի մեջ:
Այս ընտրատարածքից ԲՀԿ ռեյտինգային ցուցակով առաջադրված են Ազգային ժողովի «Ծառուկյան» խմբակցության պատգամավորներ Վահե Էնֆիաջյանն ու Միքայել Մելքումյանը: Ստացված ահազանգի հետ կապված մենք փորձեցինք կապ հաստատել ԲՀԿ՝ այդ ընտրատարածքի թեկնածուների հետ: Միքայել Մելքումյանը մեր զանգերին չպատասխանեց, իսկ Վահե Էնֆիաջյանը տեղեկությունները որակեց հակաքարոզ:
«Դա բացարձակ սուտ է, բոլոր գիտեն, թե ես ինչ մեծ թիմ ունեմ, և նրանք իմ հետ միասին այդ աշխատանքները իրականացնում են: Ես գտնում եմ, որ այս քարոզարշավի ընթացքում հակաքարոզը նկատելի չէ, մենք հասնում ենք ավարտին և ցանկալի է, որ նման գործելաոճով ոչ մեկ չզբաղվի»,- ընդգծեց Էնֆիաջյանը:
Հայկ Վարդանյան
