Իրանի նախկին նախագահ Ահմադինեժադը պատերազմից ի վեր առաջին անգամ հանրությանն է ներկայացել․ նա մասնակցելե է Ալի Խամենիի հրաժեշտի արարողությանը․ ԼՈՒՍԱՆԿԱՐՆԵՐ

Իրանի կոշտ գծի կողմնակից, նախկին նախագահ Մահմուդ Ահմադինեժադը մասնակցել է երկրի սպանված գերագույն հոգևոր առաջնորդ Ալի Խամենեիի հրաժեշտի արարողությանը։ Սա հազվադեպ երևույթ է Խամենեիի հետ տարիներ շարունակ նրա օտարացումից հետո, գրում է CNN-ը:

Ահմադինեժադի պաշտոնավարման շրջանը բևեռացրել էր Իսլամական Հանրապետությունը, նրա նախագահությունը հայտնի էր դարձել հակասական աշխարհայացքով։ 2009 թվականին նրա վերընտրությունը հանգեցրել էր «Կանաչների շարժման»՝ այդ ժամանակ Իսլամական Հանրապետության պատմության մեջ ամենամեծ հակակառավարական բողոքի ցույցերին՝ քվեարկության կեղծման մեղադրանքների պատճառով։

Չնայած բողոքի ցույցերին՝ Խամենեին վճռականորեն կողմ էր արտահայտվել ընտրությունների արդյունքներին և աջակցել Ահմադինեժադին, չնայած նրանց հարաբերությունները վատացան հաջորդող տարիներին, և վերջին տարիներին նախկին նախագահը մնաց մեկուսացված։

Իրանական լրատվամիջոցների հաղորդագրությունների համաձայն՝ պատերազմի սկզբնական օրերին իր տան վրա կատարված հարվածի հետևանքով Ահմադինեժադը վիրավորվել էր։ Խամենեիի հրաժեշտի արարողությանը նրա մասնակցությունը պատերազմի մեկնարկից ի վեր նրա առաջին հայտնվել էր հանրությանը։

Միաժամանակ, այսօր Թեհրանի կենտրոնում հսկայական բազմություն է հավաքվել, մինչ Իրանի նախկին գերագույն առաջնորդ այաթոլլա Ալի Խամենեիի հանրային հուղարկավորության արարողության ժամանակ փողոցներով անցնում է մեքենան՝ մի քանի դագաղներով։

Սգացողները՝ դրոշներ թափահարելով և Խամենեիի նկարները ձեռքներին, լցրել են փողոցը՝ վանկարկելով «Մա՛հ Ամերիկային» և «Մա՛հ Իսրայելին»։ Մի կին CNN-ին ասել է, որ դուրս է եկել՝ «վրեժ լուծելու առաջնորդի արյան համար»՝ հավելելով, որ «չի հրաժարվի այս նպատակից ոչ մի վայրկյան»։

Թարգմանությունը՝ Էմմա Չոբանյանի