25.06.2026 | 15:27
Ինչու է աշխատանքից ազատվել Էդգար Ղազարյանի քույրը․ քաղգործիչը պնդում է՝ բռնաճնշում է, Ավանեսյանը հակադարձում՝ մանիպուլյացիա է
ԵՄ, ասիական, թուրքական շուկաներում մեծ հետաքրքրություն կա հայկական միրգ-բանջարեղենի նկատմամբ․ Միրզոյան․ ՏԵՍԱՆՅՈՒԹ
Տնտեսություն
25.06.2026 | 12:48
ՀՀ արտաքին գործերի նախարար Արարատ Միրզոյանը կառավարության նիստի ժամանակ հայտարարել է, որ հայկական գյուղատնտեսական արտադրանքի, մասնավորապես՝ մրգի, բանջարեղենի և հատապտուղների արտահանման նոր շուկաների փնտրտուքը զգալի հետաքրքրություն է առաջացրել միջազգային տարբեր հարթակներում։
Ըստ նախարարի՝ հայկական արտադրանքի սպառման պոտենցիալ ուղղություններն են Եվրոպական միությունը, Կենտրոնական Ասիան և արաբական երկրները, մասնավորապես՝ Իրաքը։
Միրզոյանն ընդգծել է նաև Թուրքիայի շուկան, որտեղ, չնայած գործող սահմանափակումներին, նախարարի գնահատմամբ, արդեն իսկ իրականացվում են փորձնական առաքումներ։
«Այս մարտահրավերով հանդերձ, որը, կարծես թե, լուրջ ճգնաժամի չվերածվեց, արդեն թվերն էլ են այդ մասին վկայում, մեր համար շատ մեծ հնարավորություններ ստեղծեցին և մեծ հաշվով տեղի է ունենում այն, ինչ որ մենք երկար ժամանակ խոսում էինք և պլանավորում էինք. դա բազմազանեցումն է հայկական արտադրանքի արտահանման սպառման շուկաների»,- շեշտեց Միրզոյանը։
Մանրամասները՝ տեսանյութում։
