Փաշինյանն իր հախուռն և անկառավարելի վարքով ավելացրեց ընդդիմության ձայները․ Վարդան Հարությունյան․ ՏԵՍԱՆՅՈՒԹ

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Իրավապաշտպան Վարդան Հարությունյանը Factor TV-ի հետ զրույցում անդրադարձել է Արթուր Օսիպյանի ձերբակալությանը, արտահերթ խորհրդարանական ընտրությունների արդյունքներին, ինչպես նաև տարածաշրջանային և աշխարհաքաղաքական զարգացումներին։

Անդրադառնալով Նիկոլ Փաշինյանի հետ հայտնի միջադեպից հետո Արթուր Օսիպյանի ձերբակալությանն ու հացադուլին՝ Վարդան Հարությունյանը նշեց.

«Եթե դատաիրավական համակարգը էնքան ազատ լիներ, որ գնար նրան ազատելու ճանապարհով, չէր ձերբակալի, որովհետև որևէ ձերբակալման հիմք չկար։ Այդ մարդը չի արել որևէ քայլ, որը կտեղավորվեր քրեական օրենսգրքի շրջանակներում։ Ես իրավաբան չեմ, կարող եք հրավիրել ամենալավ իրավաբաններին, ես կարծում եմ՝ նույն պատասխանը կտան։ Այդ մարդը չի արել ոչինչ, որի համար պետք է հայտնվեր կալանավայրում։

Նրա բողոքի ակցիան, հացադուլը և ընդհանրապես նրա կեցվածքը մեր իրականության արձագանքն է, մարդու, որը  համարում է, որ իրեն ոչ միայն սխալ են կալանավորել, այլ նաև, որ իրեն վիրավորել են։ Նա այդ կալանավորումը և իր հասցեին հնչած մեղադրանքները դիտարկում է որպես վիրավորանք և ըմբոստանում է այդ վիրավորանքի դեմ։ Ես չեմ կիսում բարի մարդկանց ցանկությունները և կարծիքը, թե պետք է նրան համոզել, որ նա հացադուլը դադարեցնի։ Նա հասուն մարդ է և ինքն է որոշում կայացրել իր համար։ Պետք է բողոքել նրա կալանավորման դեմ։ Պետք է հասնել նրան, որ քաղաքական իշխանությունները իրենց ենթակա դատախազություններին և դատարաններին հանձնարարեն, որպեսզի նրան ազատ արձակեն»։

Խոսելով ընտրությունների արդյունքների մասին, թե ինչու քաղաքացիները կրկին վստահության մանդատ տվեցին իշխող ուժին, Հարությունյանը կարծիք հայտնեց.

«Ես կարծում եմ, որ ընդդիմության ստացած ձայների քանակի վրա ազդել է Նիկոլ Փաշինյանի վարած ընտրարշավը։ Մարդիկ այդ նրա հախուռն, անկառավարելի վարքը շատերին վանել է, և վանված մարդիկ կարող էին գնալ մյուս դաշտ։ Ընդդիմությունը, գոնե ընդդիմության առաջին համարի տակ աշխատող ուժը, ապաքաղաքական էր։ Նրանք քաղաքական պայքարի փորձ չունեին բոլորովին և հրաժարվեցին նախընտրական փուլում քաղաքական պայքարի փորձ ունեցող ուժերի հետ համագործակցելուց։ Նրանք ուղղակի մերժեցին այդ առաջարկը՝ համագործակցել, լինել միասին, և չունենալով քաղաքական պայքարի փորձ՝ չէին կարող նրանք մեծ հաջողությունների հասնել»։ Իրավապաշտպանը համոզված է, որ ընդդիմադիր ուժերը պետք է վերցնեն իրենց մանդատները. «Պետք է վերցնեն, որովհետև իրենք հենց այդ մանդատների համար էին պայքարում։ Այդքանն են կարողացել։ Վերցնեն և փորձեն պառլամենտում ստեղծել ոչ թե այս, որ ունեինք՝ հայհոյանքի, դիմակայության, փոխդիմակայության մթնոլորտ, այլ քաղաքական պայքարի հուն բերել երկիրը։ Մի փուլն էլ անցնենք։ Լավ, հինգ տարի մենք հայհոյեցինք, պառլամենտում տեսանք այն, ինչ որ տեսնում էինք՝ անընդհատ կռիվներ, այնուհետև հայհոյանքներ, հայհոյանքներ և հայհոյանքներ»։

Վարդան Հարությունյանը հետընտրական շրջանում փողոցային պայքարի բացակայությունը պայմանավորում է ժողովրդական ընդվզման պակասով։

Հարցազրույցն ամբողջությամբ՝ տեսանյութում։

Ռոբերտ Անանյան