ՌԴ-ի հետ տնտեսական պատերազմ չի սպասվում․ չեմ կարծում՝ ՌԴ-ն թշնամական քաղաքականություն կվարի հայ ժողովրդի նկատմամբ․ Վահագն Ալեքսանյան. ՏԵՍԱՆՅՈՒԹ

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

«Քաղաքացիական պայմանագիր» կուսակցության վարչության փոխնախագահ, պատգամավորի թեկնածու Վահագն Ալեքսանյանը Factor TV-ի տաղավարում անդրադարձել է Ռուսաստանի Դաշնության փոխվարչապետ Ալեքսեյ Օվերչուկի՝ Հայաստանի ընտրությունների արդյունքներից կախված ՌԴ-ի կողմից հնարավոր քայլերի մասին հայտարարությանը՝ նշելով, որ բոլոր հարցերը կկարգավորվեն հունիսի 20-ից հետո՝ հայ ժողովրդի քվեով։

Խոսելով ՌԴ պաշտոնյայի հայտարարության մասին, թե եվրոպամետ ուժերի հաղթանակի դեպքում Ռուսաստանը համապատասխան միջոցներ կձեռնարկի, Ալեքսանյանը նշել է.

«Վարչապետը շատ հստակ հայտարարել է, որ ինքը կվերադառնա աշխատանքի, եթե ստանա հայ ժողովրդի քվեն։ Մենք հուսով ենք, որ կստանանք ժողովրդի քվեն հունիսի 20-ից հետո, և այդ բոլոր հարցերը կկարգավորվեն։ Ես կարծում եմ՝ այս բոլոր հարցերը շատ անցողիկ են, ու այս բոլոր հարցերը կլուծվեն ճիշտ այն պահին, երբ որ հունիսի 20-ին մեր քաղաքացիներն իրենց քվեով արտահայտեն իրենց կամքը»։

Ալեքսանյանի կարծիքով՝ Ռուսաստանում հայ արտահանողների և բեռնափոխադրողների համար խնդիրներ ստեղծելու հարցում շահագրգիռ են հայաստանյան ընդդիմադիր ուժերը, որոնք փորձում են վնասել երկրի տնտեսությանը՝ նախընտրական շահ ստանալու նպատակով։

«Ակնհայտ է, որ Սամվել Կարապետյանը, Ռոբերտ Քոչարյանը Ռուսաստանի միջինից ցածր օղակների վրա որոշակի ուղիներ են գտել դեպի նրանց ու փորձում են այնպես անել, որպեսզի Ռուսաստանում հայ արտահանողների համար, հայ բեռնափոխադրողների համար ինչ-որ էս կամ էն խնդիրներն առաջացնեն՝ սկզբունքով, որ որքան վատ լինի հայերի համար, այնքան լավ կլինի իրենց համար ընտրություններում։ Ես կարծում եմ, որ այս սկզբունքը ակնհայտորեն դատապարտված է ձախողման»,- ասաց նա՝ հավելելով. «Ես չեմ կարծում, որ Ռուսաստանի Դաշնությունում կան մարդիկ, առնվազն բարձր պաշտոններ զբաղեցնող, ովքեր որ գտնում են, որ Ռուսաստանը պետք է հայ արտադրողի նկատմամբ, հայ գյուղացու նկատմամբ թշնամական քաղաքականություն վարի»։

Պատասխանելով այն մեղադրանքներին, թե իշխանությունը սրում է հարաբերությունները Ռուսաստանի հետ, Ալեքսանյանը հիշեցրեց Բելառուսի նախագահի հայտնի արտահայտությունը.

«Հայաստանի Հանրապետությունը ու Հայաստանի Հանրապետության ժողովուրդը մշտապես պիտի ունենա այլընտրանք։ Եթե մեր ՀԱՊԿ կամ ԵԱՏՄ գործընկերները գտնում էին, որ չպիտի ունենա այլընտրանք, առնվազն գոնե այդքան հեռատեսություն էր պետք ունենալ պարոն Լուկաշենկոյի համար, որ ժամանակին չհայտարարեր, որ «Куда они денутся»։ Հայաստանի Հանրապետության իշխանությունն ամեն ինչ անելու է, որ Հայաստանի Հանրապետության քաղաքացու հետ ոչ մի ուրիշ պետության ղեկավար չկարողանա խոսել այն լեզվով, որով որ խոսել է Լուկաշենկոն»։

Վահագն Ալեքսանյանն անդրադարձավ նաև ընդդիմադիր դաշտում շրջանառվող թեզին, թե իշխանությունը պատրաստվում է 300 հազար ադրբեջանցու վերաբնակեցնել Հայաստանում։

«Սա ապուշ, հիմար թեզ է։ Հասկանու՞մ եք, քանի որ «Ուժեղ Հայաստանը» գիտեք, որ Հանրապետական կուսակցության ռեբրենդինգն է հանդիսանում… 2021 թվականին գրեթե նույն բովանդակությամբ հոլովակներ էր թողարկում Սերժի ՊՈՒ-ն… Հիմա այս հոլովակները մի քիչ սցենարային փոփոխություններով հրապարակում են սրանք։ Հիմա հարց եմ տալիս՝ ո՞ւր է։ Ո՞ւր է գեթ մեկ վերաբնակեցված ադրբեջանցի»,- նշեց նա։

Խոսելով Ռուսաստանից ընտրություններին մասնակցելու նպատակով Հայաստան ժամանող քաղաքացիների մասին՝ Ալեքսանյանը շեշտեց.

«Հայաստանի Հանրապետության քաղաքացին, ով որ հիմա մեզ դիտում է, ով որ ապրում է Հայաստանի Հանրապետությունում, ով իր կյանքը կապել է Հայաստանի Հանրապետության հետ, ով իր երեխաների կյանքն է կապել Հայաստանի Հանրապետության հետ, ինքը պետք է որոշի։ Այդ մարդիկ կորոշե՞ն իրենց երեխաներին թողնել պատերազմի մեջ ու հեռանալ, թե՞ չեն որոշի։ Այդ մարդիկ ունեն, մեր Սահմանադրությունը հստակ ասում է՝ քաղաքացի ես, ունես ընտրության իրավունք։ Բայց ես նորից եմ ասում՝ այս հարցի որոշողը Հայաստանի Հանրապետության քաղաքացին է»։

Հարցազրույցն ամբողջությամբ՝ տեսանյութում։

Ռոբերտ Անանյան