10.10.2026 | 16:51
«Գալուստ Գյուլբենկյան» հիմնադրամի հոգաբարձուների խորհրդի նախագահն այցելել է Հայոց ցեղասպանության հուշահամալիր
Խորհրդավոր լռություն՝ Յուրի Խաչատուրովի գործի շուրջ
Հասարակություն
23.11.2018 | 21:13
ՀԱՊԿ նախկին գլխավոր քարտուղար Յուրի Խաչատուրովի նկատմամբ հարուցված քրեական գործը մեծ աղմուկ բարձրացրեց, Խաչատուրովը դրանից կարճ ժամանակ անց հետ կանչվեց պաշտոնից և նոյեմբերի 4-ից գտնվում է Հայաստանում։
ՀԱՊԿ-ում լարված իրավիճակի հանգեցրած այս գործընթացից հետո, սակայն, արդեն Հայաստանում գտնվող Խաչատուրովի գործով դեռ որեւէ առաջընթաց չկա։
Factor.am-ը գործը քննող Հատուկ քննչական ծառայությոնից փորձեց պարզել՝ որևէ քննչական գործողություն ՀԱՊԿ նախկին գլխավոր քարտուղարի նկատմամբ նոյեմբերի 4-ից հետո կատարվել է, թե ոչ։
ՀՔԾ մամուլի խոսնակ Մարինա Օհանջանյանն ասաց, որ Յուրի Խաչատուրվի՝ Հայաստան վերադառնալուց հետո նրա նկատմամբ որևէ քննչական գործողություն չի կատարվել։
«Գործի շահերից ելնելով՝ ՀՔԾ-ն Յուրի Խաչատուրովի նկատմամբ հարուցված քրեական գործի վերաբերյալ մեկնաբանություն չի անի»,-հավելեց խոսնակը։
Հարցին՝ իսկ ինչո՞վ է պայմանավորված Խաչատուրովի գործի վերաբերյալ վերջին շրջանի լռությունը, Օհանջանյանը պատասխանեց․
«Քննիչն է որոշողը․ այդ հարցը ևս չեմ կարող մեկնաբանել»։
Հիշեցնենք` ՀԱՊԿ գլխավոր քարտուղարի պաշտոնում Յուրի Խաչատուրովի լիազորությունները դադարեցվել էին նոյեմբերի 2-ին` նրան քրեական գործով առաջադրված մեղադրանքի հիմքով։ Խաչատուրովին մեղադրանք է առաջադրվել 2008 թվականի մարտի 1-ից 2-ն ընկած ժամանակահատվածում Երևան քաղաքում տեղի ունեցած իրադարձությունների վերաբերյալ ՀՀ հատուկ քննչական ծառայությունում քննվող քրեական գործով, այն բանի համար, որ նա այլ անձանց հետ նախնական համաձայնությամբ տապալել է ՀՀ սահմանադրական կարգը:
Աղավնի Սուքիասյան
