3․9 մլն դրամի պարգևավճար, հիփոթեքային վարկեր․ ինչ է հայտարարագրել Ռուբեն Ռուբինյանը

Լուրեր

18.11.2026 | 10:39
ՀՀ ՔԿ նախագահն Իրանի արդարադատության նախարարի հետ քննարկել է քրեական գործերով իրավական օգնության արդյունավետության բարձրացումը
18.11.2026 | 10:30
Սլովակիայում բողոքի ցույցեր են անցկացվել վարչապետ Ռոբերտ Ֆիցոյի և Կրեմլի հետ նրա կապերի դեմ
18.11.2026 | 10:22
ՄԻՊ-ն ընդգծել է երեխաներին առնչվող գործերը լուսաբանելիս անձնական տվյալների պաշտպանության և «Մի՛ վնասիր» սկզբունքի պահպանման կարևորությունը
18.11.2026 | 10:08
Արգենտինայի հավաքականը հաղթել է 7:0 հաշվով. ՏԵՍԱՆՅՈՒԹ
18.11.2026 | 10:00
Նիկոլ Փաշինյանն ԱԺ-ում մասնակցում է 2027թ. բյուջեի նախագծի քննարկմանը. ՈՒՂԻՂ
18.11.2026 | 09:55
ՀՖՖ-ն աջակցում է ՖԻՖԱ-ի նախագահի եվրոպական թեկնածուին
18.11.2026 | 09:47
Արտարժույթների փոխարժեքները՝ նոյեմբերի 18-ի դրությամբ
18.11.2026 | 09:36
ՀՀ տարածքում ավտոճանապարհները հիմնականում անցանելի են
17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
Բոլորը

Ազգային ժողովի փոխնախագահ Ռուբեն Ռուբինյանն անցած տարի 22․8 մլն դրամ եկամուտ է ունեցել։ Կոռուպցիայի կանխարգելման հանձնաժողով նրա ներկայացրած գույքի և եկամուտների հայտարարագրի համաձայն՝ այդ գումարից 1․5 մլն դրամը «Հայէկոնոմբանկ»-ից վարկ է, 2․8 մլն դրամը՝ ֆինանսների նախարարությունից եկամտահարկի վերադարձ, 80․9 հազար դրամը՝ «Ինեկոբանկ»-ից այլ եկամուտ, 549 հազար դրամը՝ «Ինեկոբանկ»-ից ավանդի դիմաց ստացած տոկոս։ ԱԺ-ից Ռուբինյանը ստացել է 17․9 մլն դրամ։

Եթե հաշվի առնենք, որ «Պետական պաշտոններ զբաղեցնող անձանց վարձատրության մասին» օրենքով Ազգային ժողովի նախագահի տեղակալի դրույքաչափի գործակիցը 14 է, իսկ 2025 թվականին պետական պաշտոն և պետական ծառայության պաշտոն զբաղեցնող անձանց բազային աշխատավարձի չափը՝ 83 հազար 200 դրամ է, ստացվում է, որ Ռուբինյանն անցած տարի 3․9 մլն դրամ պարգևավճար է ստացել։

ԱԺ նախագահի տեղակալը 2025-ին «Հայէկոնոմբանկ»-ի պարտատոմսեր է գնել մոտ 10 մլն դրամով։ Տարվա սկզբում նա ունեցել է 2 բանկային ավանդ, որոնցից մեկը՝ 5 մլն-ի չափով, տարեվերջին զրոյացվել է, իսկ մյուսի՝ 2․5 մլնանոց ավանդի չափն ավելացել է՝ դառնալով 5 մլն դրամ։ Տարեվերջի դրությամբ նրա բանկային հաշվին եղել է գրեթե 1․5 մլն դրամ։

Ռուբինյանը հայտարարագրել է բնակարան և ավտոկայանատեղի Երևանում: Նրա հիփոթեքային վարկի մայր գումարի մնացորդը 31․9 մլն դրամ է, տարվա ընթացքում վարկի մարմանն ուղղել է 5․2 մլն դրամ։

Թեև Ռուբինյանը ավտոտնակ է հայտարարագրել, ավտոմեքենա նա չունի։

Ավտոմեքենա չունի նաև ԱԺ փոխնախագահի կինը՝ Մարիամ Հաջի-Հակոբյանը։ Նա նույնպես աշխատում է ԱԺ-ում, գլխավոր մասնագետ է։ Հաջի-Հակոբյանը չի հայտարարագրել նաև որևէ անշարժ գույք։ Նա «ՄԼ Մայնինգ» ընկերությանը 13․3 մլն դրամ փոխառություն է տվել՝ բնակարանի գնման իրավունքի համար։ Նշենք, որ ընկերությունը բնակելի համալիրներ է կառուցում թե՛ Երևանի տարբեր թաղամասերում՝ Ավան, Արաբկիր, Քանաքեռ, Մալաթիա-Սեբաստիա, թե՛ մարզերում։

Մարիամ Հաջի-Հակոբյանը բանկերում 2 ավանդ ունի՝ 1417 դոլարի և 1․5 մլն դրամի չափով։ Տարեվերջին նրա բանկային հաշվին եղել է 642 հազար դրամ, կանխիկ ունեցել է 450 հազար դրամ և 1200 դոլար։

Ռուբինյանի կինն ԱԺ-ից ստացել է մոտ 2․9 մլն դրամ աշխատավարձ, ֆինանսների նախարարությունից՝ 1․2 մլն դրամ հիփոթեքային վարկի եկամտահարկի վերադարձ, 414 հազար դրամ այլ եկամոտ Աշխատանքի և սոցիալական հարցերի նախարարությունից և 254 հազար դրամ ստացել է Լուսինե Գրիգորյանից։ Հաջի-Հակոբյանի հիփոթեքային վարկի մայր գումարի մնացորդը գրեթե 13 մլն դրամ է։ Դատելով ամուսինների հիփոթեքային վարկերի մայր գումարների տարբեր մեծություններից, նրանցից յուրաքանչյուրն առանձին բնակարան է գնել։

Գայանե Խաչատրյան