06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Դատախազության միջամտությամբ Հրանտ Մաթևոսյանի անվան այգուց 6 հողատարածք վերադարձվել է Վանաձոր համայնքին
Հասարակություն
08.05.2026 | 15:02
Լոռու մարզի դատախազության ներգործության արդյունքում Վանաձոր համայնքի տիրապետմանն է վերադարձվել Հրանտ Մաթևոսյանի անվան այգու տարածքում գտնվող 6 հողատարածք՝ ընդհանուր 1389,7 քմ մակերեսով։ Դատախազությունում պարզել են, որ այգու տարածքները վարձակալած և փաստացի տիրապետող մի շարք սուբյեկտներ դրանք օգտագործել են պայմանագրերի խախտումներով ու ոչ նպատակային, ինչի հետևանքով այգին հայտնվել էր անբարեկարգ վիճակում։
«Լոռու մարզի դատախազությունում, Լոռու մարզպետարանի միջնորդությամբ կատարված ուսումնասիրությունների արդյունքում, պարզվել է, որ Վանաձորի Հրանտ Մաթևոսյանի անվան այգու տարածքները վարձակալած և փաստացի տիրապետող 22 սուբյեկտների կողմից դրանք օգտագործվում են պայմանագրերի խախտումներով ու ոչ նպատակային: Արդյունքում՝ այգին հայտնվել է անբարեկարգ վիճակում:
Լոռու մարզի դատախազությունում կատարված ուսումնասիրությունների արդյունքում՝ միջնորդագիր է ուղարկվել Վանաձորի համայնքապետարան՝ վերոնշյալ 22 սուբյեկտների հետ կնքված վարձակալության և անհատույց օգտագործման պայմանագրերը խզելու նպատակով:
Միջնորդագրի արդյունքում՝ այսօրվա դրությամբ լուծվել է պայմանագրերից 6-ը և Վանաձոր համայնքի փաստացի տիրապետմանն է վերադարձվել 1389,7 քմ ընդհանուր մակերեսով հողատարածք:
Մյուս պայմանագրերի լուծման ուղղությամբ աշխատանքներն ընթացքի մեջ են»,- ասված է ՀՀ գլխավոր դատախազության տարածած հաղորդագրությունում։
