24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Հայկ Սարգսյանի գործով դատական նիստը հետաձգվեց․ ՏԵՍԱՆՅՈՒԹ
Հասարակություն
21.11.2018 | 17:03
Երևանի ընդհանուր իրավասության դատարանում այսօր մեկնարկեց Սերժ Սարգսյանի եղբոր որդու՝ Հայկ Սարգսյանի գործով դատական նիստը։
Նիստի սկզբին դատավորն ընթերցեց Սարգսյանի պաշտպան Երեմ Սարգսյանի գրավոր դիմումը, որով պաշտպանը տեղեկացնում է, որ գտնվում է արձակուրդում և չի կարող ներկայանալ այսօրվա նիստին։
Նշենք, որ դատարանի դահլիճում ներկա էր ինչպես Հայկ Սարգսյանը, այնպես էլ նրա դեմ ցուցմունք տված Դավիթ Սիմոնյանը, որն իր ցուցմունքի մեջ նշել էր, թե իրականում իրեն փորձել են սպանել, իսկ սպանության փորձը կատարել է Հայկ Սարգսյանը։
Հայկ Սարգսյանի գործով հաջորդ դատական նիստը տեղի կունենա դեկտեմբերի 12-ին՝ ժամը 16։30-ին։
Հիշեցնենք, որ սեպտեմբերի 10-ին դատարանը 50 միլիոն դրամ գրավի դիմաց կալանքից ազատ արձակեց սպանության փորձի մեջ մեղադրվող Հայկ Սարգսյանին։ 33-ամյա Հայկ Սարգսյանը կալանավորվել էր հուլիսի 11-ին, նա մեղադրվում է սպանության փորձի մեջ․ հանցագործությունը տեղի է ունեցել 11 տարի առաջ:
Մանրամասները՝ տեսանյութում։
