17.08.2026 | 11:40
Օդեսայում ռուսական հարձակման հետևանքով նավ է վնասվել. 4 մարդ վիրավորվել է
Կանդազ մականունով հայտնի Արթուր Ավանեսյանը հացադուլ է հայտարարել
29.04.2026 | 15:19
«Ուժեղ Հայաստան» կուսակցության անդամ, հետախույզ Արթուր Ավանեսյանը՝ Կանդազը, հացադուլ է անում։ Այս մասին հայտնում է «Ուժեղ Հայաստան» կուսակցության անդամ Արեգա Հովսեփյանը։
Ավանեսյանը, Հակակոռուպցիոն դատարանի որոշմամբ, կալանավորվել է երկու մասով։
«Հացադուլ՝ Հայաստանում անարդարության վերացման ու քաղաքական հետապնդումների դեմ, հանուն մարդու իրավունքների, հանուն մեր արժանապատվության։ Մենք այնպիսի օրերում ենք ապրում, որ մեր հերոսները, 30 տարվա զինվորականը, ով թշնամու ահ ու սարսափն էր, այսօր հայաստանյան բանտում է, ստիպված իրականացնում է հացադուլ»,- ֆեյսբուքյան տեսանյութով ասել է Հովսեփյանը։
Երկու օր առաջ Հակակոռուպցիոն կոմիտեն հայտարարություն էր տարածել ու հայտնել՝ փաստական տվյալներ են ստացվել այն մասին, որ «Ուժեղ Հայաստան» կուսակցության համակիրը 2026 թվականի հունիսի 7-ին կայանալիք ՀՀ Ազգային ժողովի ընտրություններին իրենց օգտին քվեարկելու դիմաց մի շարք ընտրողների աշխատանքի ընդունելու և այլ եղանակով խոստացել է տալ կաշառք, ու խոստումն ընդունվել է վերջիններիս կողմից։
Ձայնագրությունը, որը հրապարակել էր կոմիտեն վերագրվում էր Ավանեսյանին։ Նա իր զրուցակցին ասում էր․ «Պրոստը պիտի գաք, ծափ տաք»։ Մեկ այլ դրվագում նրան են արձագանքում․ «Ինձ պաշտոնի ես դնելու չէ՞ բանակում»։
