17.08.2026 | 12:26
Բրյուսովի համալսարանին հանձնված գույքի ապօրինի օտարման գործով 3 անձի վարույթն ուղարկվել է դատախազին
Չեխիան Ադրբեջանին նոր մարտական ուսումնական ինքնաթիռ է առաջարկում
27.04.2026 | 23:12
Չեխիան Ադրբեջանին առաջարկում է նոր L-39NG ռազմաուսումնական ինքնաթիռ։ Չեխիայի վարչապետ Անդրեյ Բաբիշն այս մասին հայտարարել է Գաբալայում Ադրբեջանի նախագահ Իլհամ Ալիևի հետ համատեղ հայտարարության ժամանակ։
«Aero Vodochody-ն փաստացի L-39 հնացած ինքնաթիռների սպասարկման և վերանորոգման ընկերությունն է: Մենք ձեզ ենք ներկայացնում նոր L-39NG ինքնաթիռը և ուրախ կլինենք, եթե դուք գնահատեք այն: Colt-ն իսկապես կարևոր միջազգային ընկերություն է, որը մատակարարում է գերազանց արտադրանք ամբողջ աշխարհին: Մենք ուրախ ենք, որ ձեր ոստիկանությունը և մյուս ուժերն արդեն ծանոթ են այս արտադրանքին»,- ասել է նա:
Բաբիշը հավելել է, որ իր այցի շրջանակում Ադրբեջան են ժամանել չեխական 50 ընկերությունների ներկայացուցիչներ։
«Մենք շատ հետաքրքրված ենք Բաքվի մետրոյի հետ համաձայնագրի կնքմամբ։ Škoda Transportation-ը մեր երկրի, հավանաբար, ամենամեծ տնտեսական խմբի՝ PPF Group-ի մաս է կազմում։ Այս խումբը, այլ ընկերությունների հետ միասին, պատրաստ է համատեղ ձեռնարկություն հիմնել, արտադրություն սկսել Ադրբեջանում, ներդրումներ կատարել գիտական հետազոտություններում, համագործակցել ձեր համալսարանների և ձեր ժողովրդի հետ»,- ընդգծել է չեխ գործիչը։
Թարգմանությունը՝ Էմմա Չոբանյանի
