Հայաստանի ազգային հավաքականի պաշտպան Նաիր Թիկնիզյանն առաջին տիտղոսն է նվաճել սերբական «Ցրվենա Զվեզդայի» կազմում։
Ֆուտբոլի Սերբիայի առաջնության 33-րդ տուրում Դեյան Ստանկովիչի գլխավորած թիմը սեփական խաղադաշտում 3։0 հաշվով հաղթել է «Պարտիզանին» ու ժամանակից շուտ ապահովել չեմպիոնի տիտղոսը։ 26-ամյա Թիկնիզյանը փոխարինման է մտել հանդիպման 89-րդ րոպեին։
«Ցրվենա Զվեզդան» Սերբիայի չեմպիոն է դարձել 12-րդ անգամ։ Ընթացիկ առաջնությունում Նաիր Թիկնիզյանը մասնակցել է 20 հանդիպման ու դարձել 4 գոլային փոխանցման հեղինակ։
