25.10.2026 | 12:26
ՆԳՆ-ն 12։00-ի դրությամբ ՏԻՄ ընտրությունների ընթացքում ենթադրյալ իրավախախտումների վերաբերյալ 1 ահազանգ է ստացել
Ռուսաստանի հավաքականում խաղացած ֆուտբոլիստը կհամալրի Հայաստանի հավաքականը
21.04.2026 | 14:05
Ռուսական «Սոչիի» կիսապաշտպան Ալեքսանդր Կովալենկոն կփոխի մարզական քաղաքացիությունը և կներկայացնի Հայաստանը։ Այդ մասին հայտնել է 22-ամյա ֆուտբոլիստի եղբայրը՝ Արտյոմ Կովալենկոն։
«Դա ճիշտ է, ընթանում են բանակցություններ։ Հիմա Սաշան զբաղվում է փաստաթղթերով, որպեսզի հասցնի քաղաքացիություն ստանալ Ազգերի լիգայի խաղերից առաջ»,- Արտյոմ Կովալենկոյի խոսքը մեջբերում է «РБ Спорт»-ը։
Ալեքսանդր Կովալենկոն 2025 թ․ ամռանն է համալրել «Սոչին», որի կազմում ընթացիկ մրցաշրջանում մասնակցել է 25 հանդիպման, արդյունավետ գործողություններով աչքի չի ընկել։ Նախկինում կիսապաշտպանը խաղացել է նաև ռուսական «Չերտանովոյում», «Կռիլյա Սովետովում», «Զենիթում» և «Օրենբուրգում»։ 2022 թվականին Կովալենկոն 1 ընկերական հանդիպման է մասնակցել Ռուսաստանի ազգային հավաքականի կազմում: Transfermarkt-ը նրա տրանսֆերային արժեքը գնահատում է 1,5 միլիոն եվրո։
Հիշեցնենք, որ Կովալենկոն «Արարատ 73»-ի լեգենդար ֆուտբոլիստ Ալեքսանդր Կովալենկոյի թոռն է:
