21.04.2026 | 15:10
Փաշինյանը՝ Արցախ վերադարձի թեման փակելու մասին // ԵՄ-ն ՀՀ առաքելություն ուղարկելու հարցը կքննարկի․ ԼՈՒՐԵՐ
Պետք է փակենք Ղարաբաղի փախստականների վերադարձի իրավունքը, այդ թվում իրենց շահերից ելնելով. Փաշինյան․ ՏԵՍԱՆՅՈՒԹ
Քաղաքականություն
21.04.2026 | 12:34
«Որևէ մեկը թող մեզ չվախեցնի փախստականների վերադարձի թեմայով, որովհետև ես ասում եմ՝ այո՛, մենք պետք է փակենք Ղարաբաղի փախստականների վերադարձի իրավունքը, այդ թվում՝ Ղարաբաղի փախստականների շահերից ելնելով, որովհետև լավ, ինչքա՞ն պետք է մենք Ղարաբաղի ժողովրդին պահենք պատանդի կարգավիճակում»,- այսօր ուղիղ եթերում նման կարծիք հայտնեց ՀՀ վարչապետ Նիկոլ Փաշինյանը։
«Եկեք խոստովանենք, որ 30 տարի, ավելի քան 30 տարի, համարյա էսա կլինի 40 տարի, Ղարաբաղի մեր ժողովուրդը լիարժեք կյանքով ապրե՞լ է: Անընդհատ էդ անորոշության մեջ, անընդհատ ինչ-որ առումով, այո՛, քաղաքական պատանդի կարգավիճակով: Եվ մենք այսօր Ղարաբաղի ժողովրդին ուզում ենք, որ նրանք տնավորվեն Հայաստանի Հանրապետությունում, էդ պանդխտության տրամաբանությունից դուրս գան, որովհետև Հայաստանի Հանրապետությունը նաև նրանց հայրենիքն է: Եվ նրանք հիմա քաղաքացիություն են ստանում Հայաստանի Հանրապետությունում: Եվ բոլոր քաղաքացիների հայրենիքն է Հայաստանի Հանրապետությունը, Հայաստանի Հանրապետության բոլոր քաղաքացիների հայրենիքն է, և նաև մենք հնարավորություն ունենք երկքաղաքացիության, և աշխարհի բոլոր հայերը կարող են ընդունել Հայաստանի Հանրապետության քաղաքացիություն, և Հայաստանի Հանրապետությունը լիարժեք և առանց վերապահումների կլինի իրենց հայրենիքը՝ կոնկրետ որպես Հայաստանի Հանրապետություն»,-ասաց նա։
Մանրամասները՝ տեսանյութում։
