19.04.2026 | 12:45
Հայ ծանրորդները մեկնարկում են Եվրոպայի առաջնությունում
Դուք Մովսեսը չեք, ժողովրդին չբերեցիք ավետյաց երկիր, բերեցիք ողբ․ Խաչատրյանը՝ Փաշինյանին․ ՏԵՍԱՆՅՈՒԹ
Քաղաքականություն
17.04.2026 | 10:55
«Պարոն Փաշինյան, Դուք Մովսեսը չեք։ Դուք ժողովրդին չբերեցիք ավետյաց երկիր, Դուք բերեցիք ողբ, ողբերգություն, Արցախի և Հայաստանի երրորդ հանրապետության կորուստ»,- վարչապետ Նիկոլ Փաշինյանին և նրա վարած քաղաքականությանը ուղղված նման քննադատություն արեց ԱԺ «Հայաստան» խմբակցության պատգամավոր Արթուր Խաչատրյանը։
«Դուք Իվան Սուսանինն եք՝ այն տարբերությամբ, որ Սուսանինը կործանեց զավթիչների զորքը, իսկ Դուք փորձում եք կործանել սեփական ժողովրդին»,- նշեց ընդդիմադիր պատգամավորը։
ՀՀ Ազգային ժողովում քննարկվում է կառավարության 2025 թվականի ծրագրի կատարողականը, որին մասնակցում է Նիկոլ Փաշինյանն ու կառավարության անդամները։
Ըստ պատգամավորի՝ Փաշինյանը խոստովանել է, որ 2021 թ. նախընտրական ծրագիրը ոչ մի կապ չունի ներկայիս իրականության հետ։
«Մարդը խոստովանեց, որ մի բան խոստացել են, ուրիշ բան են արել։ Կոպիտ ասած՝ ժողովրդին խաբել են, «գցել» են»,- հայտարարեց նա՝ հավելելով, որ իշխանությունը փորձում է մեղքը բարդել ժողովրդի վրա։
Մանրամասները՝ տեսանյութում։
