Եթե ՌԴ-ի հաշվարկն է՝ ՀՀ-ի օդերը փակի, որ հայերը զայրանան՝ իշխանափոխություն անեն, դա կարող է հակառակ արդյունքը բերել․ Արսեն Խառատյան․ ՏԵՍԱՆՅՈՒԹ

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Առաջին անգամն է, երբ Հայաստանի արտահերթ խորհրդարանական ընտրություններում աշխարհաքաղաքական և քաղաքակրթական հարցերը դարձել են քննարկման էական բաղկացուցիչ։ Factor TV-ի հետ զրույցում այսպիսի կարծիք հայտնեց «Ալիք Մեդիա»-ի հիմնադիր Արսեն Խառատյանը՝ վերլուծելով վարչապետ Նիկոլ Փաշինյանի և Սամվել Կարապետյանի միջև ծավալված հեռակա բանավեճը, որի առանցքում Ռուսաստանի դերակատարությունն ու հնարավոր տնտեսական ճնշումներն են։

Ըստ Խառատյանի՝ այս թեման ավելի սրվեց Փաշինյան-Պուտին հանդիպումից հետո, երբ Ռուսաստանի նախագահը բացահայտ խոսեց Հայաստանում իր «ընկերների» մասին։

«Առաջին անգամ բացահայտ ասվեց, որ Պուտինն ընկերներ ունի Հայաստանում և ակնկալում է, որ այդ ընկերները հնարավորություն են ունենալու Հայաստանյան ընտրություններում մասնակցելու։ Սրան հետևեց ավելի կարևորը՝ Ռուսաստանի փոխվարչապետի հայտնի հարցազրույցը ՏԱՍՍ-ին, որտեղ արդեն կոնկրետ տնտեսական և այլ կախվածություններ, որ Հայաստանն ունի Ռուսաստանից, արտացոլված էին»,- նշեց Խառատյանը։

Անդրադառնալով ընտրությունների բնույթին՝ Արսեն Խառատյանը շեշտեց, որ այն դարձել է ոչ միայն սոցիալ-տնտեսական, այլև քաղաքակրթական ընտրության հարց։

«Սա առաջին դեպքն է, երբ Հայաստանի աշխարհաքաղաքական կողմնորոշումը ընտրությունների էական բաղկացուցիչ է դառնում։ Եթե նայելու լինենք նախորդ բոլոր ընտրությունների ժամանակ, առանց բացառության, որևէ մեկը ուղիղ տեքստով չի խոսել աշխարհաքաղաքական կողմնորոշման վերաբերյալ։ Հիմա մենք, այնուամենայնիվ, որպես ժողովուրդ, որպես հանրույթ, քաղաքակրթական ընտրություն կատարելու ենք այս ընտրությանը։ Այսինքն՝ մենք որ աշխարհի հատվածի, որ համայնքների մեջ ենք մեզ տեսնում որպես ժողովուրդ, որպես պետություն, ինչպիսի՞ արժեքային ընկալումներ ունենք և ինչպիսի՞ վախերով պայմանավորված պիտի լինի այս ընտրությունը»։

Սակայն, ըստ նրա, այս ընտրությունների ամենակարևոր և ճակատագրական կողմը ոչ թե աշխարհաքաղաքական, այլ ժողովրդավարական արդյունքն է։

«Ես կարծում եմ, որ ամենակարևորն այն է, որ ընտրական ժողովրդավարությունը վերահաստատվի։ Այս իմաստով Հայաստանը շահելու է, անկախ նրանից, թե այդ ընտրության արդյունքը ինչ կլինի։ Սա ինձ համար առանցքային է, որպեսզի բոլոր իրական ձայները, որոնք մարդիկ պիտի գնան և ընտրությունների օրը իրացնեն, դրանք տեղ հասնեն, և այո, այնպիսի խորհրդարան, ինչպիսին կձևավորվի առաջիկա խորհրդարանում, դա էլ թող արտացոլի Հայաստանի Հանրապետության քաղաքացիների իրական կամքը»։

Խոսելով Ռուսաստանի կողմից հնարավոր տնտեսական պատժամիջոցների մասին՝ Խառատյանը նշեց, որ Հայաստանն ունի ուղիղ կախվածություն ռուսական գազից, ինչպես նաև հայկական ապրանքների արտահանման շուկայից։ Սակայն, նրա խոսքով, ճգնաժամը նաև առաջընթացի հիմք է։ Նա որպես օրինակ բերեց 2008 թվականի ռուս-վրացական պատերազմից հետո ստեղծված իրավիճակը։

«2008 թվականի հինգօրյա պատերազմից հետո ռուսական կողմից Վրաստանը սանկցիաների տակ ընկավ, հատկապես գինու արտահանման տեսանկյունից, և դրա արդյունքում արևմուտքը մոտ 2.5 միլիարդի աջակցություն հատկացրեց Վրաստանին, և 2009-10 թվականների ֆինանսատնտեսական ճգնաժամի ընթացքում Վրաստանն այն քիչ երկրներից էր, որը ՀՆԱ-ի աճ ուներ։ Բայց այդ ընթացքում նաև իրենց ապրանքներն ավտոմատ, որովհետև ստիպված էին այլ շուկաներ գտնել, որակի էական աճ ունեցան»։

Խառատյանի համոզմամբ, եթե Ռուսաստանը որոշի ակտիվ ճնշումներ գործադրել, դա կարող է հակառակ էֆեկտն ունենալ՝ արագացնելով Հայաստանի ինտեգրումը եվրոպական կառույցներին։

«Եթե սկսեն ճնշումներ գործադրել, վստահ եմ, որ շատ ավելի կարագանան որոշ գործընթացներ, որոնք, գուցե, այս պահին դեռևս ներդաշնակ տրամաբանությամբ զարգանում են»,- եզրափակեց նա։

Հարցազրույցն ամբողջությամբ՝ տեսանյութում։

Ռոբերտ Անանյան