27.06.2026 | 06:03
ԱԱ-2026. Իսպանիան հաղթեց Ուրուգվային, Կաբո Վերդեն նույնպես դուրս եկավ փլեյ-օֆֆ. ՏԵՍԱՆՅՈՒԹ
Վահագն Խաչատուրյանը հանդիպել է Մարշալլի գերմանական հիմնադրամի պատվիրակության հետ
Քաղաքականություն
25.03.2026 | 23:24
Հանրապետության նախագահ Վահագն Խաչատուրյանը հանդիպում է ունեցել Հայաստանում գտնվող ԱՄՆ Մարշալլի գերմանական հիմնադրամի միջազգային փորձագետների և լրագրողների հետ:
Նախագահի աշխատակազմից տեղեկացնում են, որ հանդիպման ընթացքում նախագահը ներկայացրել է Հայաստանի արտաքին և ներքին քաղաքականության առաջնահերթ ուղղությունները՝ ընդգծելով ժողովրդավարական բարեփոխումների շարունակականությունը, տնտեսական զարգացման խթանումը և անվտանգային մարտահրավերների հաղթահարման կարևորությունը։ Նա անդրադարձել է նաև տարածաշրջանային զարգացումներին՝ ներկայացնելով Հայաստանի դիրքորոշումներն ու մոտեցումները խաղաղության, կայունության և համագործակցության ապահովման համատեքստում։
Հանդիպման ավարտին նախագահը պատասխանել է մասնակիցների հարցերին, որոնք վերաբերում էին Հայաստանի ներքին և արտաքին քաղաքական հասարակական գործընթացներին։
