Այն քաղաքական ուժերը, որոնք համարում են՝ պետք է ԵԱՏՄ-ից դուրս գալ, պետք է հաշվարկեն դրա բոլոր վնասները. Թևան Պողոսյան

ԵԱՏՄ-ից դուրս գալը երկար գործընթաց է, և եթե մտնելուց հաշվարկներ չենք արել, դուրս գալուց էլ առանց հաշվարկների, ուղղակի ասենք՝ դուրս գանք, երևի այնքան էլ հիմնավոր չի: Այս մասին Factor.am-ի հետ զրույցում ասաց Մարդկային զարգացման միջազգային կենտրոնի ղեկավար, ԱԺ նախկին պատգամավոր Թևան Պողոսյանը՝ անդրադառնալով օրերս ԵԱՏՄ-ից դուրս գալու՝ ընդդիմադիր «Ելք» դաշինքի անդամների կոչերին:

Հիշեցնենք՝ հարցն օրակարգ մտավ այն բանից հետո, երբ ՌԴ Պետդումայի խոսնակ Վյաչեսլավ Վոլոդինն առաջարկեց Հայաստանի օրենսդրությունում ամրագրել ռուսերենի պաշտոնական կարգավիճակը, որպեսզի ազգային վարորդական իրավունքները Ռուսաստանի տարածքում ճանաչվեն:

«Այն քաղաքական ուժերը, որոնք համարում են՝ պետք է ԵԱՏՄ-ից դուրս գալ, ունեն մեծ տնային աշխատանք կատարելու, հաշվարկելու դուրս գալու գործընթացը, բոլոր վնասները կամ բոլոր կողմերը և ներկայացնելու համոզիչ փաստարկներ»,- ընդգծեց Պողոսյանը:

Թևան Պողոսյանը հիշեցնում է՝ չնայած նրան, որ ինքը կողմակից չի եղել ԵԱՏՄ-ին անդամակցելուն և հիմա էլ նույն տեսակետին է, այդուհանդերձ կարծում է՝ որոշումներ կայացնելիս պետք է փորձել սխալը սխալի հետևից թույլ չտալ:

Ազգային ժողովի նախկին պատգամավորը զրույցի ընթացքում անդրադարձավ նաև հայ-ռուսական միացյալ զորախմբի ստեղծմանը և Արցախում օրերս տեղի ունեցած ընտրություններին:

Մանրամասները՝ տեսանյութում:

Շողիկ Գալստյան