02.07.2026 | 22:50
Հաստատվել է ՀՀ 2027-2029 թթ. պետական միջնաժամկետ ծախսերի ծրագիրը
Ավելի քան կես միլիարդ դրամ՝ 300 ընտրատեղամասից ուղիղ հեռարձակում իրականացնելու համար
Քաղաքականություն
13.03.2026 | 09:31
Կառավարությունը մարտի 12-ին Կենտրոնական ընտրական հանձնաժողովին 545 միլիոն դրամ հատկացրեց հունիսի 7-ին կայանալիք Ազգային ժողովի հերթական ընտրությունների կազմակերպման համար։ Որոշումն ընդունվեց առանց քննարկման։
Այս գումարով ԿԸՀ-ն պետք է ձեռք բերի անհրաժեշտ տեսախցիկներ, սարքավորումներ և ծրագրային ապահովում, որոնք թույլ կտան բոլոր այն տեղամասերից, որտեղ ընտրողների թիվը 300-ից ավելի է, իրականացնել տեսանկարահանում։
Factor.am-ը ԿԸՀ-ից պարզաբանում է խնդրել՝ ինչու են նոր տեսախցիկներ և ուղիղ հեռարձակում իրականացնելու համար նախատեսված այլ միջոցներ ձեռք բերում, երբ նախորդ ընտրություններին դրանք առկա էին և ընտրատեղամասից իրականացվում էր ուղիղ հեռարձակում։
ԿԸՀ խոսնակ Սեդա Ղուկասյանը Factor.am-ին հայտնեց, որ ընդլայնում են ընտրատեղամասերի թիվը, որտեղից ուղիղ հեռարձակում է իրականացվելու։ Ըստ նրա՝ 2021 թվականի խորհրդարանական արտահերթ ընտրություններին ուղիղ եթեր իրականացվել է 1500 ընտրատեղամասից, իսկ առաջիկա ընտրություններին նախատեսվում է հեռարձակում իրականացնել 1800 ընտրատեղամասից։ Այսինքն՝ կես միլիարդից ավելի գումարը հատկացվում է 300 ընտրատեղամասի համար։
Նարեկ Կիրակոսյան
