17.08.2026 | 23:08
Զորականում և Ամասիայում շչակներ են փորձարկվելու
Փաստաթուղթ ենք փոխանցել վարչապետին ու դատախազություն. Հայրիկյան. ՏԵՍԱՆՅՈՒԹ
Քաղաքականություն
12.03.2026 | 19:13
Պարույր Հայրիկյանը և նրա համախոհները բողոքի ակցիա են իրականացրել Արդարադատության նախարարության շենքի դիմաց։ Հիմնական պահանջն ու վրդովմունքը վերաբերում են Սահմանադրական բարեփոխումների գործընթացին և կուսակցությունների ձայնը լսելի չդարձնելուն։
Հայրիկյանը նշում է, որ համաձայն «Կուսակցությունների մասին» սահմանադրական օրենքի՝ կուսակցությունների կողմից ներկայացված հավաքական հանրագրերը պետական կառույցները պարտավոր են քննարկել նախաձեռնողների հետ։ Սակայն, իրենց կողմից դեռևս 2014թ․ մշակված Սահմանադրության ամբողջական նախագիծն ու հայեցակարգը իշխանություններին ուղարկելուց հետո, նախարարությունը թեև հաստատել է դրանց ստացումը, սակայն հրաժարվել է հրավիրել քննարկման։
«Արդարադատության նախարարությունը երբ խախտում է օրենքները, ապա ո՞վ կարող է վստահ լինել, որ օրինականություն կլինի երկրում», – հայտարարեց Հայրիկյանը՝ հավելելով, որ իշխանություններին դիմել են արդեն 10 անգամ։
Նախարարության այս անգործության և օրենքի խախտման հիմքով՝ ակցիայի մասնակիցները գրություն են ուղարկել Դատախազություն։
