14.05.2026 | 13:23
ՄԻՊ-ը դասապրոցեսի հաշվին ՔՊ հանրահավաքին ուսուցիչների և աշակերտների մասնակցության մասին․ ՏԵՍԱՆՅՈՒԹ
Factor TV-ի անդրադարձից հետո սոցաշխատողն այցելել է տնակում ապրող ընտանիքին
Հասարակություն
12.03.2026 | 19:25
Factor TV-ի՝ «Ո՛չ բաղնիք կա, ո՛չ զուգարան, էս պայմաններում երկու երեխա եմ պահում․ տնակում ապրող կինը նպաստից զրկվել է» նյութի հրապարակումից հետո ՀՀ աշխատանքի և սոցիալական հարցերի նախարարությունը այցելել է ընտանիքին։ Այս մասին փոխանցեցին նախարարությունից։
«Սոցաշխատողն այցելել է ընտանիքին, գնահատում է արվել։ Հիմնական խնդիրը, որ նպաստից զրկվել են, գույքահարկի բարձր լինելն է, որը վերաբերում է ընտանիքի մորը»,- ասաց ԱՍՀՆ մամուլի խոսնակ Նվեր Կոստանյանը։
Ծովինար Վարդանյանը մեզ հետ զրույցում ներկայացրել էր, որ ծնողների հողատարածքում գրանցում ունենալու պատճառով իր գույքահարկը գերազանցել է սահմանված 5000 դրամը, ինչի հետևանքով ընտանիքը զրկվել է նպաստից։ Նախարարությունից ևս հաստատում են, որ պատճառը գույքահարկն է։
Ըստ Կոստանյանի՝ անապահովության գնահատման նոր համակարգով Կոտայքի մարզում պիլոտային ծրագիր է ներդրված և գույքահարկի բարձր լինելը նպաստից զրկելու գործոն է հանդիսանում։
«Այնուամենայնիվ ընտանիքի մորը առաջարկվել է, որ գրանցվի որպես աշխատանք փնտրող, իր հնարավորությունների սահմաններում, խելամիտ հեռավորության վրա աշխատանք առաջարկվի»,- նշեց խոսնակը։
Ընտանիքը ապրելու տարրական պայմաններ չունի։ Ծովինարը ավելի ուշ հայտնեց, որ մեր անդրադարձից հետո ընտանիքին տարբեր մարդիկ աջակցություն են ցուցաբերել։
Անի Թամրազյան
