07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
ԱԱԾ շենքի մոտ այրվող առարկա նետելու դեպքով քրեական վարույթ է նախաձեռնվել, այդ թվում՝ ահաբեկչության հոդվածով
Հասարակություն
07.03.2026 | 13:20
Քննչական կոմիտեից Factor.am-ին հայտնեցին, որ Ազգային անվտանգության ծառայության շենքի դարպասների ուղղությամբ այրվող առարկա նետելու դեպքի առթիվ նախաձեռնվել է քրեական վարույթ։
ՔԿ մամուլի քարտուղար Կիմա Ավդալյանի խոսքով` վարույթը նախաձեռնվել է մի քանի հոդվածներով` գույքը ոչնչացնելու կամ վնասելու, որը կատարվել է հրկիզման, պայթյունի կամ հանրավտանգ այլ եղանակով, խուլիգանության և ահաբեկչության:
Հիշեցնենք` ՆԳՆ-ից երեկ հայտնել էին, որ հանցագործությունը կատարելու կասկածանքով մեկ անձ ձերբակալվել և ներկայացվել է նախաքննական մարմին։ Ավելի վաղ համացանցում տարածվել էր տեսանյութ, որում երևում է, թե ինչպես է մի քաղաքացի այրվող առարկա նետում ԱԱԾ շենքի դարպասների ուղղությամբ, ինչից հետո դարպասի մոտ կրակ է բռնկվում։ ՔԿ-ից հայտնեցին նաև, որ ձերբակալված քաղաքացու նկատմամբ դեռևս հանրային քրեական հետապնդում չի հարուցվել:
Արփի Հակոբյան
