51% կողմ, 13% դեմ. ինչպես է փոխվել ԵՄ անդամակցության կողմնակիցների հարաբերակցությունը

Լուրեր

23.11.2026 | 02:06
Հենրիխ Մխիթարյանը մասնակցել է «Ինտերի»՝ 4:4 հաշվով ավարտված խաղին. ՏԵՍԱՆՅՈՒԹ
22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
Բոլորը

Միջազգային հանրապետական ինստիտուտի (IRI) 2026 թ. փետրվարյան հետազոտության համաձայն՝ Հայաստանում հարցվածների մեծամասնությունը շարունակում է աջակցել Եվրոպական Միությանը անդամակցելու գաղափարին․ 51 %-ը կողմ է հնարավոր անդամակցությանը, մինչդեռ 13 %-ը դեմ է, իսկ 32 %-ը նշել է, որ չի մասնակցի նման հանրաքվեի։ 2024-ի սեպտեմբերին արձանագրված 58 %-ից հետո աջակցությունը 2025-ի հունիսին նվազել էր մինչև 49 %, սակայն 2026-ի փետրվարին կրկին աճել է՝ հասնելով 51 %-ի։

Եվրաինտեգրմանը ավելի շատ կողմ է ավագ սերունդը․ 56 և բարձր տարիքի հարցվածների 58%-ը կողմ է միանալուն։ Նրանք նաև ամենաակտիվն են՝ ընդամենը 23%-ն է նշել, որ չի գնա քվեարկության:

Երիտասարդները (18-35) և միջին տարիքը (36-55) ավելի քիչ են աջակցում այս գաղափարին (երկու խմբում էլ՝ 48%): Երիտասարդները նաև պասիվ քաղաքական ակտիվություն են ցուցաբերել․ նրանց 39%-ը նշել է, որ չի պատրաստվում մասնակցել հանրաքվեին:
Տղամարդիկ ավելի դրական են տրամադրված ԵՄ-ի նկատմամբ (53% կողմ), քան կանայք (50%)։ Կանանց շրջանում զգալիորեն բարձր է հանրաքվեին մասնակցելու մտադրություն չունեցողների տոկոսը (36%):

Մայրաքաղաքի, մարզային քաղաքների և գյուղերի միջև դիրքորոշումների էական տարբերություն չկա: Բոլոր տիպի բնակավայրերում կողմ արտահայտվողների թիվը կայուն 50-52%-ի միջակայքում է:

ԵՄ-ին անդամակցելու օգտին արտահայտվածների շրջանում (773 քաղաքացի) հարցում է իրականացվել, թե որն են համարում ԵՄ-ին միանալու հիմնական առավելությունը։

ԵՄ-ին միանալու կողմնակիցների համար գլխավոր խթանը տնտեսական բարեկեցությունն է: Հարցվածների 26%-ը հիմնական առավելությունը համարել է տնտեսության հզորացումը։ Հարցվածների 14%-ը նշել է անվտանգության ամրապնդումը, կայունությունը, ևս 4%-ը՝ խաղաղությունը։

«Ռուսական ազդեցության թուլացումը» որպես ԵՄ-ին միանալու հիմնական առավելություն նշել է կողմնակիցների միայն 4%-ը։
Ուշագրավ ցուցանիշ է այն, որ ԵՄ անդամակցությանը կողմ արտահայտվածների 13%-ը դժվարացել է նշել անգամ մեկ առավելություն։

Անի Թամրազյան