ԶՈՒ-ն,  Հայ առաքելական եկեղեցին ու մարզպետարաններն՝ առաջին եռյակում․ որքանով են հայաստանցիները գոհ տարբեր կառույցների աշխատանքից  

Լուրեր

23.11.2026 | 02:06
Հենրիխ Մխիթարյանը մասնակցել է «Ինտերի»՝ 4:4 հաշվով ավարտված խաղին. ՏԵՍԱՆՅՈՒԹ
22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
Բոլորը

Միջազգային հանրապետական ինստիտուտի՝ IRI-ի հարցման արդյունքներով Հայաստանում վստահության ամենաբարձր մակարդակն ունեցող կառույցների եռյակն այս տեսքն ունի՝ Զինված ուժեր, Հայ առաքելական եկեղեցի, մարզպետարաններ։ 

Զինված ուժերի աշխատանքից լիովին գոհ է հարցվածների 39 տոկոսը, ավելի շուտ գոհ է՝ 34 տոկոսը։ Ստացվում է, 73 տոկոսը դրական է գնահատում ԶՈՒ գործունեությունը։ 25 տոկոսը լիովին գոհ է ԶՈՒ ղեկավար կազմի աշխատանքից, 32 տոկոսը՝ ավելի շուտ գոհ է, այստեղ էլ պատկերը ստացվում է 57 տոկոս։

Հայ առաքելական եկեղեցու աշխատանքից լիովին գոհ է 39 տոկոսը, ավելի շուտ գոհ է՝ 23 տոկոսը։ Փաստացի, հարցվածների 62 տոկոսը Եկեղեցու գործունեությունից գոհ է։

Բարձր ցուցանիշ են գրանցել նաև մարզպետարանները. նրանց աշխատանքը լիովին գոհացնում է հարցվածների 25 տոկոսին, 37 տոկոսի համար էլ գործունեությունն ավելի շատ գոհացնող է։

Հարցմանը մասնակցած 1506 ՀՀ և Արցախի Հանրապետության քաղաքացիներից 58 տոկոսը (լիովին գոհ է քվեարկել 23 տոկոսը, ավելի շատ գոհ՝ 35-ը) դրական է գնահատել Տեղական ինքնակառավարման մարմինների աշխատանքը, 61 տոկոսը (լիովին գոհ է քվեարկել 23 տոկոսը, ավելի շատ գոհ՝ 38-ը)՝ Ոստիկանության գործունեությունը, 56 տոկոսը (լիովին գոհ է քվեարկել 24 տոկոսը, ավելի շատ գոհ՝ 32-ը)՝
Ազգային անվտանգության ծառայության աշխատանքը։

20 տոկոսը լիովին գոհ, իսկ 26 տոկոսն ավելի շատ գոհ է վարչապետի աշխատակազմից, իսկ դրանից ցածր արդեն գնահատվել է Գլխավոր դատախազության, դատարանների, Կոռուպցիայի կանխարգելման հանձնաժողովի, ՄԻՊ և նախագահի աշխատակազմերի գործունեությունը։


Հարցվածներն առավել դժգոհ են Խորհրդարանի աշխատանքից. 44 տոկոսն ընդհանրապես դժգոհ, իսկ 22 տոկոսն էլ ավելի շուտ դժգոհ է Ազգային ժողովի աշխատանքից։

IRI-ն վերլուծել է առանձին կառույցների գործունեությունը տարբեր տարիների և ամիսների կտրվածքով։

Մասնավորապես, ավելի վաղ անցկացված հարցման տվյալներով, Զինված ուժերից հանրությունն առավել քան գոհ է եղել 2019 թվականի հոկտեմբերին՝ գրանցվել է գոհ լինելու 91 տոկոս ցուցանիշ։ Առավել դժգոհ է եղել 2023 թվականի մարտին՝ 59 տոկոս։

Ոստիկանության աշխատանքը վերջին 8 տարիների ընթացքում աճել կամ նվազել է մի քանի տոկոսով։ Աշխատանքն առավել բարձր գնահատվել է 2021 թվականի դեկտեմբերին՝ 68 տոկոս, հանրությունն առավել դժգոհ է եղել 2025 թվականի հունիսին։ Այս ժամանակաշրջանը համընկնում է Փաշինյանի՝ եկեղեցու դեմ սկսած արշավի շրջանին, երբ մեկը մյուսի հետևից ձերբակալվում և կալանավորվում էին հոգևորականներ։

Վարչապետի աշխատակազմի աշխատանքին գնահատականը ևս էապես փոխվել է տարիների կտրվածքով։ Հանրությունն առավել քան գոհ է   եղել  (85 տոկոս) Փաշինյանի աշխատակազմից իշխանափոխությունից հետո՝ 2018 թվականի հոկտեմբերին։ Շատ դժգոհ (61 տոկոս) եղել է 2023 թվականի մարտին։

Հարցվածների մեծ մասը մշտապես դժգոհ է եղել դատարանների աշխատանքից. այստեղ «Գոհ» պատասխանը գրաֆիկի միշտ ներքևում է։ Ամենացածր ցուցանիշն արձանագրվել է 2019 թվականին. դժգոհ է եղել հարցվածների 57 տոկոսը։

Հայ առաքելական եկեղեցու աշխատանքի նկատմամբ պատկերն էլ կտրուկ փոփոխությունների գրեթե չի ենթարկվել։ Կառույցի աշխատանքից հանրությունն ամենաշատը գոհ (74 տոկոս) եղել է 2019 թվականի հոկտեմբերի հարցման տվյալներով, իսկ դժգոհ եղել է 2024 թվականի սեպտեմբերին (47 տոկոս)։ 

 

Ռոզա Վարդանյան