27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Մարդուն ազատել են աշխատանքից իր հոր ընդդիմադիր հայացքների համար․ Արծվիկ Մինասյան․ ՏԵՍԱՆՅՈւԹ
Քաղաքականություն
05.03.2026 | 14:17
«Հայաստան» խմբակցության քարտուղար Արծվիկ Մինասյանը խորհրդարանի ամբիոնից հայտարարեց, որ «ընդդիմադիրների նկատմամբ քաղաքական ռեպրեսիաներն» ակնհայտ են դարձել՝ դիմելով Հակակոռուպցիոն կոմիտեի նախագահ Արթուր Նահապետյանին։
«Պարո՛ն Նահապետյան, ձեր և մյուս իրավապահ մարմինների գործողությունների հետևանքով է, որ քաղաքական հետապնդումները այսպես առարկայական են դարձել։ Նաև այն դրսևորումներով, որ չի արտահայտվում իրավապահ համակարգում՝ քաղաքական հայացքների համար մարդկանց աշխատանքից ազատելու։ Եվ ոչ միայն իրենց. իրենք կարող է նույնիսկ իշխանական հայացքներ ունենան, բայց քանի որ իրենց ծնողը, բարեկամը, հարազատը այլ քաղաքական հայացքներ ունի, այդ մարդուն ազատում եք աշխատանքից։ Ազատո՛ւմ եք։ Սպառնո՛ւմ եք չնշանակել աշխատանքի, ինչպես որ օրեր առաջ մի այդպիսի դրվագի ականատես եղանք։ Իրավական երկրում այդպիսի հայտարարություններին անմիջապես հաջորդելու էր քրեական վարույթի նախաձեռնումը։ Իսկ դուք ասում եք՝ մենք օբյեկտիվ ենք և այլն։ Ձեր օբյեկտիվությունը, այնուամենայնիվ, կարծես թե միայն արտահայտվում է, ցավոք, իշխանական հայացքներ ունեցող հատվածի վրա, իսկ ընդդիմադիր հատվածի վրա՝ ուղիղ հակառակը, բացարձակ սուբյեկտիվ վարքագիծ»,- ասաց Մինասյանը։
Ընդդիմադիր պատգամավորն ասաց, որ անուններ չի ասի, բայց տվյալ մարդուն աշխատանքից ազատել են հոր ընդդիմադիր հայացքների համար։
Մանրամասները՝ տեսանյութում։
