Աննա Գրիգորյանի պատասխանը Հասմիկ Հակոբյանին․ ՏԵՍԱՆՅՈՒԹ

«Հայաստան» խմբակցության պատգամավոր Աննա Գրիգորյանը խորհրդարանի ամբիոնից պատասխանեց իշխանական պատգամավոր Հասմիկ Հակոբյանին։

«Երբ խոսում եք իմ հայրիկի մասին․ ուզում եմ արձագանքել, որպեսզի անարձագանք չմնա, թե չէ՝ հակառակ պարագայում ես ուղղակի չէի անդրադառնա։ Հայրս երկար տարիների պետական ծառայող է։ Այն ժամանակ, երբ Դուք չեք պատկերացրել, որ որևէ պետական հաստատությունում ի վիճակի կլինեիք աշխատել, հայրս միշտ պետական համակարգի միջին օղակի պաշտոնյա է եղել։ Միշտ եղել է։ Եվ հիմա դուք փորձել եք, իհարկե, նրան հեռացնել աշխատանքից։ Նրա նկատմամբ հարուցվել է վարույթ, ծառայողական քննություն, որպեսզի ինձ ինչ-որ ձև ցավեցնեք»,- ասաց Աննա Գրիգորյանը։

Պատգամավորը նշեց, որ հայրը սրտի վիրահատություն է տարել և առողջական խնդիրներ ունի։

«Տարել-բերել են ինչ է մի հատ նկատողություն տան։ Հետո այդ նկատողությամբ գնացել ենք դատարան և շահել ենք դատը։ Հա ի՞նչ։ Ուզում եք ինձ ցավեցնե՞լ, դրանո՞վ եք ուզում ցավեցնել։ Իմ քաղաքական դիրքորոշման պատճառով իմ եղբորը հանել եք աշխատանքից, հորս նկատմամբ անասելի անհասկանալի պրոցեսներ եք սկսել, իսկ Դուք, իշխանության ներկայացուցիչ լինելով, ըստ մամուլի տեղեկությունների, Ձեր ազգուտակին եք տեղավորել Ազգային ժողովում։ Հասկանում եք, չէ՞ տարբերությունը»,- ասաց Աննա Գրիգորյանը։

Հիշեցնենք, որ իշխանական պատգամավոր Հասմիկ Հակոբյանն այսօր ԱԺ ամբիոնից Աննա Գրիգորյանին կոչ արեց պարզաբանել, թե որտեղ է աշխատում իր հայրը։

Մանրամասները՝ տեսանյութում։