05.10.2026 | 13:51
Էստոնիան «արմատական վերախմբավորում» է սկսել՝ զորքերը տեղափոխելով ՌԴ սահմանին ավելի մոտ
Կառավարությունը 4 մլն դրամ կհատկացնի 44-օրյա պատերազմի ընթացքում ծանր վիրավորում ստացած զինծառայողի բուժման համար
Հասարակություն
05.03.2026 | 00:15
Հայաստանի Հանրապետության կառավարությունը նախատեսում է պահուստային ֆոնդից 4 մլն դրամ հատկացնել պաշտպանության նախարարությանը՝ առաջին կարգի զինհաշմանդամ Աբիգ Արամի Մարգարյանի բուժման շարունակությունն ապահովելու նպատակով։
Աբիգ Մարգարյանը ծանր վիրավորում է ստացել 2020 թվականի 44-օրյա պատերազմի ընթացքում՝ զինվորական ծառայության պարտականությունները կատարելիս։ Վիրավորումը հանգեցրել է ակնագնդի վնասման և ուղեղի ճակատ հիմնային շրջանի ջնջխման, ինչի հետևանքով առաջացել են բարդություններ։ Բուժումը կազմակերպվելու է Մոսկվայի Բուրդենկոյի անվան նյարդավիրաբուժության ինստիտուտում։
Հատկացվող գումարը նախատեսվում է ուղղել բուժման, կեցության և ճանապարհածախսի վճարմանը։
Նարեկ Կիրակոսյան
Աբիգ Մարգարյանի լուսանկարը՝ miasin.am-ի։
