27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Հայաստանից Իրան և հակառակ ուղղությամբ բեռնափոխադրումների ծավալում փոփոխություններ չկան․ ՊԵԿ
Տնտեսություն
04.03.2026 | 14:50
Հայաստանից Իրան և հակառակ ուղղությամբ բեռնափոխադրումների ծավալում վերջին օրերին փոփոխություններ չկան։ Այս մասին Factor.am-ի հարցին ի պատասխան հայտնեց ՀՀ պետական եկամուտների կոմիտեի մամուլի քարտուղար Լուսինե Մկրտչյանը։
««Ագարակ» մաքսային անցակետն աշխատում է սովորական ռեժիմով՝ սպասարկելով թե՛ Հայաստանից Իրան, թե՛ Իրանից Հայաստան բեռնատարների անցումը»,- նշեց Մկրտչյանը։
Sputnik Արմենիան գրել էր, թե «Նորդուզ»-«Ագարակ» անցակետում ժամանակավորապես դադարեցվել է հայ-իրանական սահմանի հատումը քաղաքացիների համար: Ըստ լրատվամիջոցի՝ սահմանափակումը կապված է իրանական կողմում ինտերնետ կապի խափանման հետ, որի պատճառով խաթարվել Է Իրանում մաքսային ձևակերպումների համակարգի աշխատանքը:
ՊԵԿ-ից տեղեկացնում են, որ քաղաքացիների մուտքի և ելքի վերաբերյալ տեղեկատվություն տրամադրելու իրավասությունը վերապահված է ԱԱԾ-ին։ ԱԱԾ-ից թեմայի վերաբերյալ մեկնաբանություն չտվեցին։
Անի Թամրազյան
