27.10.2026 | 18:55
Կրեմլը մանրամասներ է հայտնել Ֆինլանդիայի ու Նորվեգիայի ղեկավարների՝ Պուտինի հետ հեռախոսազրույցից
Պաշտամունքային կառույցների օտարումը՝ բացառապես Կառավարության համաձայնությամբ. խորհրդարանն ընդունեց նախագիծը
Հասարակություն
04.03.2026 | 12:54
Ազգային ժողովը 2-րդ ընթերցմամբ և ամբողջությամբ ընդունեց «Պատմության մշակույթի անշարժ հուշարձանների ու պատմական միջավայրի պահպանության և օգտագործման մասին» ու կից ներկայացված օրենքներում առաջարկվող փոփոխությունները: Նախաձեռնության հեղինակներն են պատգամավորներ Թագուհի Ղազարյանը և Սիսակ Գաբրիելյանը:
Նախագծին կողմ է քվեարկել 66, դեմ՝ 20, ձեռնպահ՝ 0։
Ըստ այդմ՝ հուշարձանների պետական ցանկերում ներառված պաշտամունքային կառույցները հնարավոր կլինի ցանկացած երրորդ անձի հատուցմամբ կամ անհատույց օտարել բացառապես Կառավարության համաձայնության դեպքում: Գործադիրը կարող է չտալ այդ համաձայնությունը կամ մերժել սեփականության այդպիսի փոփոխությունը, եթե առկա է տվյալ գույքը ոչ հանրօգուտ կամ ոչ իր նպատակային նշանակությամբ օգտագործելու ռիսկ կամ գործարքի պայմանները հակասում են հանրության շահերին կամ սահմանված ծանուցմանը կից ներկայացված փաստաթղթերը կեղծ են կամ խեղաթյուրված:
Թագուհի Ղազարյանի խոսքով՝ նախաձեռնությունը միտված է հուշարձանների պահպանության ոլորտում ավելի ամրապնդելու ինստիտուցիոնալ մեխանիզմները:
