14.09.2026 | 15:03
Իրանը կանչել է Ավստրիայի դեսպանին՝ Վիեննայում կայանալիք միջուկային համաժողովին իր պաշտոնյայի մասնակցությունը խոչընդոտելու համար
Ֆուտզալի Հայաստանի հավաքականը՝ ՈՒԵՖԱ-ի դասակարգման աղյուսակի թոփ-10-ում
03.03.2026 | 13:37
ՈՒԵՖԱ-ն թարմացրել է ֆուտզալի ազգային հավաքականների դասակարգման աղյուսակը։ Ֆուտզալի Հայաստանի ազգային հավաքականն այժմ 9-րդն է՝ 1951.975 վարկանիշային միավորով, հաղորդում է ՀՖՖ մամուլի ծառայությունը։
Ցուցակը գլխավորում է Եվրոպայի փոխչեմպիոն Պորտուգալիան, երկրորդ տեղում Եվրոպայի նորընծա չեմպիոն Իսպանիան է, իսկ Ռուսաստանը եզրափակում է լավագույն եռյակը։
Լավագույն տասնյակն ունի հետևյալ տեսքը․
1․ Պորտուգալիա – 2969.781
2. Իսպանիա – 2840․787
3. Ռուսաստան – 2547.128
4. Ղազախստան – 2384․943
5. Ուկրաինա –2344․186
6. Ֆրանսիա – 2317․468
7. Խորվաթիա – 2153․623
8. Իտալիա – 1976․963
9․ Հայաստան – 1951․975
10. Սլովենիա – 1921․849
Հիշեցնենք, որ Հայաստանի հավաքականը հունվար-փետրվարին առաջին անգամ մասնակցել էր Եվրոպայի առաջնության եզրափակիչ փուլին, որի խմբային փուլում հաղթել էր 2024թ․ աշխարհի առաջնության բրոնզե մեդալակիր Ուկրաինային (2։1) ու Չեխիային (5:4), ոչ-ոքի խաղացել Լիտվայի հետ (3։3) ու 7 միավորով առաջին տեղը գրավել B խմբում։ Քառորդ եզրափակիչում Ռուբեն Նազարեթյանի գլխավորած թիմը 0։3 հաշվով պարտվել էր Խորվաթիայի հավաքականին։
