02.03.2026 | 16:39
ԱՄՆ-ը հայտնել է, որ Քուվեյթում երեք ամերիկյան ինքնաթիռ է խոցվել «բարեկամական կրակից»
Արարատ Միրզոյանն ու Սեյեդ Արաղչին անդրադարձել են հումանիտար բնույթի հարցերի
Քաղաքականություն
02.03.2026 | 15:30
Արարատ Միրզոյան-Սեյեդ Արաղչի հեռախոսազրույցի մասին հաղորդագրություն է տարածել նաև ՀՀ ԱԳՆ-ն՝ նշելով, որ զրուցակիցներն անդրադարձել են հումանիտար բնույթի հարցերի։
«Մարտի 2-ին Հայաստանի Հանրապետության ԱԳ նախարար Արարատ Միրզոյանը հեռախոսազրույց է ունեցել Իրանի Իսլամական Հանրապետության ԱԳ նախարար Սեյեդ Աբբաս Արաղչիի հետ:
Զրույցի ընթացքում քննարկվել է Մերձավոր Արևելքում ստեղծված իրավիճակը։ Նախարար Միրզոյանն իր ցավակցությունն է հայտնել Իրանում զոհվածների ընտանիքներին՝ ընդգծելով լարվածության թուլացման և խաղաղ միջոցներով հանգուցալուծման հասնելու կարևորությունները։
Զրուցակիցներն անդրադարձ են կատարել նաև հումանիտար բնույթի հարցերի»,- ասված է ՀՀ ԱԳՆ-ի տարածած հաղորդագրությունում։
Ավելի վաղ հրապարակել էինք իրանական կողմի տարածած հաղորդագրությունը։
