13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Բոլորիդ մաղթում եմ դիպուկ հրաձգություն. Փաշինյանը՝ ԵԱ մեծահասակների առաջնության բացմանը. ՏԵՍԱՆՅՈՒԹ
27.02.2026 | 20:23
Երևանում կայացել է Հրաձգության Եվրոպայի մեծահասակների առաջնության հանդիսավոր բացման արարողությունը, որին ներկա է եղել ՀՀ վարչապետ Նիկոլ Փաշինյանը։
Իր ողջույնի խոսքում վարչապետը կարևորել է այն փաստը, որ Հայաստանն առաջին անգամ է հյուրընկալում սպորտային հրաձգության Եվրոպայի մեծահասակների առաջնությունը։
Մրցաշարին մասնակցում են 40 երկրների շուրջ 450 մարզիկներ և 150 պաշտոնական ներկայացուցիչներ։ Խաղարկվելու է մեդալների 70 հավաքածու։
«Ուրախ ենք արձանագրել, որ Հայաստանի Հանրապետությունը դառնում է Եվրոպայի և աշխարհի առաջնությունների սովորական վայր»,- նշել է Փաշինյանը՝ հույս հայտնելով, որ այս առաջնությունը նոր խթան կհանդիսանա Հայաստանում մարզաձևի զարգացման համար։
Ելույթի ավարտին վարչապետը հաղթանակ է մաղթել Հայաստանի ներկայացուցիչներին, իսկ բոլոր մասնակիցներին՝ դիպուկ հրաձգություն:
