09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ԱԳՆ խոսնակը՝ ապատեղեկատվության դեմ պայքարելու համար ԵՄ-ից օգնություն խնդրելու մասին
25.02.2026 | 18:47
Հայաստանը շարունակում է փոխգործակցությունը ժողովրդավարական դիմակայունության ամրապնդման ուղղությամբ: Այս մասին Factor.am-ի հետ զրույցում հայտնեց ԱԳՆ մամուլի քարտուղար Անի Բադալյանը՝ արձագանքելով ընտրություններում ռուսական ապատեղեկատվության դեմ պայքարի համար ԵՄ-ի կողմից ՀՀ-ում «Հիբրիդային արագ արձագանքման խումբ» տեղակայելու մասին «Ազատություն» ռադիոկայանի տեղեկությանը։
Դեռ նախորդ տարվա դեկտեմբերին Անի Բադալյանը հայտնել էր, որ Հայաստանի և ԵՄ-ի միջև տարբեր ուղղություններով, այդ թվում՝ հիբրիդային սպառնալիքներին դիմակայելու ոլորտում համագործակցությունը շարունակական է և նոր չի սկսվել։
Ավելի վաղ գրել էինք, որ լրատվամիջոցի տրամադրության տակ եղած նամակի համաձայն՝ Հայաստանի արտաքին գործերի նախարար Արարատ Միրզոյանը փետրվարի 13-ին Բրյուսելից խնդրել է արագ արձագանքման խումբ ուղարկել Երևան։
ԵՄ-ն նմանատիպ խումբ է ուղարկել Մոլդովա անցյալ տարի խորհրդարանական ընտրությունների ժամանակ, որը բաղկացած էր մոտ 20 մարդուց։ Նրանք Մոլդովայի իշխանությունների հետ համատեղ աշխատել էին ժամանակին հայտնաբերելու և հակազդելու Ռուսաստանից սոցիալական ցանցերում տարածվող ապատեղեկատվությանը։
Նշվում է, որ «Հայաստանին առաջարկվող աջակցությունը պետք է հստակ ուղղված լինի Ռուսաստանի ապակայունացնող գործունեության նվազեցմանը և մեղմմանը»։
Անի Թամրազյան
