27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Ձերբակալվել է 143 մանկապարտեզի տնօրենը
Հասարակություն
24.02.2026 | 14:19
Երևանի թիվ 143 մանկապարտեզի տնօրեն Ռուզաննա Դանիելյանը ձերբակալվել է։ Այս մասին Factor TV-ին հայտնեցին Հակակոռուպցիոն կոմիտեից։
«Վերջինիս մեղադրանք է ներկայացվել իրեն վստահված առանձնապես խոշոր չափերի գույքի հափշտակության և խոշոր չափերով կաշառք ստանալու համար»,- հայտնում են կոմիտեից։
Հիշեցնենք՝ Շենգավիթ վարչական շրջանի ղեկավար Տիգրան Գաբրիելյանի կարգադրությամբ Դանիելյանը տնօրենի ժամանակավոր պաշտոնակատարի պաշտոնում վերականգնվեց փետրվարի 20-ին։ Նույն օրը մանկապարտեզի սաների ծնողները բողոքի ակցիա էին կազմակերպել մանկապարտեզում։ Նրանք նշում էին՝ Դանիելյանը երեխաներին հատկացված սննդի յուրացումների, կաշառք ստանալու, աշխատավարձերի յուրացման դրվագներով է անցնում։
Եվգենյա Համբարձումյան
