27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Եկեղեցին ասում է՝ օտարումն ընդհանրապես արգելեք․ Սիսակ Գաբրիելյան․ ՏԵՍԱՆՅՈՒԹ
Քաղաքականություն
24.02.2026 | 11:33
«Երբ այդ նախագիծը քննարկվում էր մամուլում և մեր որոշ ընդդիմադիր գործընկերներ ասում էին, որ եկեղեցու դեմ արշավի շրջանակում է, ես զարմացա, որ այդ թվում եկեղեցին ոչ միայն կողմ արտահայտվեց այս փոփոխությանը, այլև առաջարկեց ընդհանրապես արգելել օտարումը»,- ԱԺ Գիտության, կրթության, մշակույթի, սփյուռքի, երիտասարդության և սպորտի հարցերի հանձնաժողովի նիստում ասաց հանձնաժողովի նախագահ Սիսակ Գաբրիելյանը։
Նա պարզաբանեց, որ օտարումը չի վերաբերում միայն վաճառքին կամ վերացմանը, այլ կարող է նշանակել նաև գույքի փոխանցում, օրինակ՝ համայնքից եկեղեցուն կամ հակառակը։ Նրա գնահատմամբ՝ եթե օտարումն ամբողջությամբ արգելվի, կարող են ստեղծվել իրավիճակներ, երբ հնարավոր չլինի արդյունավետ կառավարման համար գույքը փոխանցել մեկ սուբյեկտից մյուսին։
«Հնարավոր է՝ պետական ցանկում ունենանք այնպիսի հուշարձաններ, որոնք, օրինակ, եկեղեցուն չեն պատկանում կամ կրոնական կազմակերպությանը չեն պատկանում, համայնքին կամ նախարարության ենթակայության տակ են, և որոշում է կայացվում օտարել եկեղեցուն»,- ասաց հանձնաժողովի նախագահ ՔՊ-ական պատգամավորը։
Ըստ Գաբրիելյանի՝ խնդիրը հաճախ կապված է նաև ենթակայության հարցի հետ, քանի որ նախարարությունը չի կարող ֆինանսավորում հատկացնել այն գույքի վերանորոգման համար, որն իր ենթակայության տակ չէ։
Մանրամասները՝ տեսանյութում։
