20.02.2026 | 23:11
«Փետրվարի տաքացումը դեռ գարուն չէ. գյուղատնտեսական աշխատանքները վաղ է սկսել»․ Լևոն Ազիզյան
Օրերս Ամասիայում հայտնված ադրբեջանցիները նաև 2013 և 2014 թվականներին են այցելել ՀՀ. ԱԱԾ
Քաղաքականություն
20.02.2026 | 21:31
Օրերս համացանցում տարածվել էր տեսանյութ՝ կից գրառմամբ, որ ազգությամբ ադրբեջանցիներն ազատորեն շրջում են ՀՀ տարածքում։ Հայաստանի ԱԱԾ-ն, պատասխանելով Factor.am-ի հարցին, հաստատել է, որ նշյալ անձիք ադրբեջանցիներ են, միաժամանակ, շեշտել, որ նրանք ՌԴ քաղաքացիներ են։
«Այդ անձինք հանդիսանում են ազգությամբ ադրբեջանցի, Ռուսաստանի Դաշնության քաղաքացիներ, ովքեր մուտք են գործել Հայաստանի Հանրապետություն և ՀՀ-ից դուրս են եկել ՀՀ պետական սահմանի «Բագրատաշեն» անցման կետով։ Այցը կրել է մասնավոր բնույթ»,- ասվում է ԱԱԾ պատասխանում։
ԱԱԾ-ից Factor.am-ին նաև տեղեկացրել են, որ հիշյալ անձանցից մեկը Հայաստանի Հանրապետություն է այցելել նաև 2013 թվականին, իսկ մյուսը՝ 2014 թվականին։
Նարեկ Կիրակոսյան
