15.04.2026 | 23:15
Մրգաշենում սպանություն կատարած եղբայրները կալանավորվել են. ՔԿ
Սահմանադրական բարեփոխումների խորհրդի նիստում քննարկվել են քննչական մարմինների, սեփականության իրավունքի և պետական լեզվի հարցերը
Քաղաքականություն
20.02.2026 | 19:52
Արդարադատության նախարար Սրբուհի Գալյանի գլխավորությամբ տեղի է ունեցել Սահմանադրական բարեփոխումների խորհրդի հերթական նիստը։Նիստի ընթացքում քննարկվել են սահմանադրական փոփոխությունների շրջանակում մի շարք առանցքային հարցեր, մասնավորապես՝ քննչական մարմինների կարգավիճակին վերաբերող դրույթները, սեփականության իրավունքի սահմանադրական կարգավորումները, ինչպես նաև պետական լեզվի վերաբերյալ հարցը։ Այս մասին տեղեկացնում են ՀՀ արդարադատության նախարարությունից։
Քննարկումների ընթացքում անդրադարձ է կատարվել գործող սահմանադրական նորմերի արդյունավետությանը և հնարավոր բարեփոխումների ուղղություններին՝ նպատակ ունենալով ապահովել իրավական համակարգի առավել հստակ և ժամանակակից կարգավորումներ։
«Խորհուրդը շարունակելու է աշխատանքները՝ սահմանադրական բարեփոխումների օրակարգում ներառված այլ հարցերի փուլային քննարկման և վերջնական առաջարկությունների ձևավորման ուղղությամբ»,- ասվում է հաղորդագրությունում։
