18.08.2026 | 13:50
Արեգնազ Մանուկյանի և դստեր հանդիպման արգելքի մասին տեղեկություն ենք ուզել իրավապահներից. Մինասյան․ ՏԵՍԱՆՅՈՒԹ
Ադելիա Պետրոսյան․ Այսպիսի ելույթից հետո բարդ կլինի վերադառնալ Ռուսաստան
20.02.2026 | 14:30
Գեղասահքի Ռուսաստանի եռակի չեմպիոն Ադելիա Պետրոսյանն Իտալիայում ընթացող 25-րդ ձմեռային Օլիմպիական խաղերի կանանց մենասահքում 6-րդ տեղը գրավելուց հետո ամփոփել է իր ելույթը։
«Զգացողությունները լավագույնը չեն։ Բաց թողեցի ավելի բարձր տեղ գրավելու շանսերը։ Մանրակրկիտ չեմ վերլուծել ելույթս։ Այս պահին արդեն կարևոր էլ չէ։ Փորձում եմ մոռանալ։ Կհաղթահարեմ այս փուլը և կշարունակեմ աշխատել։ Սա փորձ է հաջորդ մեկնարկի՝ հաջորդ Օլիմպիական խաղերի համար։ 4 տարին քիչ ժամանակ չէ, սակայն հենց դրա համար է նաև հետաքրքիր։
Այսպիսի ելույթից հետո ինձ համար հոգեբանական առումով բարդ կլինի վերադառնալ Ռուսաստան։ Երևի, այս ելույթից հետո մտքերը միայն բացասական են։ Ցանկանում եմ վերադառնալ իրականություն, այլ ոչ թե մնալ այս վիճակում։ Հնարավոր է՝ կկարողանամ գտնել դրական կողմեր ու դասեր քաղել այս մրցումներից»,- 18-ամյա գեղասահորդի խոսքը մեջբերում է Sport24-ը։
Հիշեցնենք, որ կարճ ու ազատ ծրագրերի հանրագումարում Ադելիա Պետրոսյանը վաստակել էր 214.53 միավոր։ Օլիմպիական չեմպիոն էր դարձել 2025թ․ աշխարհի չեմպիոն, ամերիկացի Ալիսա Լիուն, որը հավաքել էր 226.79 միավոր։
1960 թվականից հետո առաջին անգամ Ռուսաստանն առանց մեդալի մնաց ձմեռային Օլիմպիական խաղերի գեղասահքի մրցաշարում։
