05.06.2026 | 01:05
Ասել են` ուզում ենք գնանք՝ ՌԴ, զանգել եմ Պուտինին, օդանավն էլ տվել եմ, չեն գնացել․ Փաշինյան․ ՏԵՍԱՆՅՈՒԹ
Տիգրան Բասեղյանն ավարտեց կարիերան Հայաստանի հավաքականում
18.02.2026 | 15:18
Սլովակիայի չեմպիոն Բրատիսլավայի «Սլովանի» հարձակվող Տիգրան Բարսեղյանն ավարտում է կարիերան Հայաստանի ազգային հավաքականում: 32-ամյա ֆուտբոլիստը հանդես է եկել հայտարարությամբ, հաղորդում է ՀՖՖ մամուլի ծառայությունը։
«Սիրելի՛ երկրպագուներ, ցանկանում եմ տեղեկացնել, որ որոշել եմ ավարտել իմ կարիերան Հայաստանի ազգային հավաքականում։
Ինձ համար մեծ պատիվ ու պատասխանատվություն է եղել տարիներ շարունակ Հայաստանի ազգային հավաքականի մարզաշապիկը կրելը և մեր երկրի գույները պաշտպանելը։
Ցանկանում եմ շնորհակալություն հայտնել ազգային հավաքականում ինձ մարզած բոլոր մարզիչներին, թիմակիցներիս, հավաքականի բժշկական և ադմինիստրատիվ անձնակազմին, Հայաստանի ֆուտբոլի ֆեդերացիայի բոլոր աշխատակիցներին և, իհարկե, մեր հավատարիմ երկրպագուներին, ովքեր միշտ եղել են մեր կողքին՝ թե՛ հաղթանակների, թե՛ պարտությունների ժամանակ։
Ես շարունակելու եմ աջակցել հավաքականին արդեն նոր՝ երկրպագուի կարգավիճակով։ Մաղթում եմ մեր ազգային հավաքականին հաղթանակներ և մեծ ձեռքբերումներ:
Ձեր՝ Տիգրան Բարսեղյան»,- նշված է հայտարարությունում։
Տիգրան Բարսեղյանը 2016 թվականից էր խաղում Հայաստանի հավաքականում, որի կազմում անցկացրել է 64 հանդիպում ու դարձել 9 գոլի հեղինակ։
