«Միասնական ճակատով հանդես կգանք, որպեսզի կարողանանք պարտության մատնել այս վարչախմբին»․ «Հայաքվեն» քաղաքական հայտ է ներկայացնում

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

«Մենք ևս այն դիրքորոշումն ունենք, որ որևէ կերպ չի կարելի թույլ տալ, որպեսզի 2021 թվականին տեղի ունեցածը կրկնվի, երբ մեր քաղաքացիների 20%-ի ձայները, ընտրական օրենսդրության առանձնահատկությունների պատճառով և բազմաթիվ ուժերի մասնակցության պատճառով, ըստ էության, ոչ միայն փոշիացվեցին, այլև դրանց երկու երրորդն անցավ գործող վարչախմբին»,- այս մասին հրավիրված ասուլիսի ժամանակ հայտարարեց «Հայաքվե»-ի շտաբի համակարգող Ավետիք Չալաբյանը։

Ուժը հայտարարել է՝ մասնակցելու է ընտրություններին, քննարկում են դաշինք կազմելու հնարավորությունները։

«Կարծում ենք՝ մենք մեր ուժերը պետք է համադրենք գաղափարակից այլ կառույցների, կազմակերպությունների հետ, և, այո՛, միասնական ճակատով հանդես գանք, որպեսզի այլևս թույլ չտանք ընտրողների ձայների փոշիացում և որպեսզի կարողանանք պարտության մատնենք այս վարչախմբին։ Ի վերջո, ինչպես ես նշեցի իմ ներածական ելույթում, այս ամենի մեջ մտնելու մեր նպատակը դրանում է, որպեսզի մենք կարողանանք իրական իշխանափոխություն իրականացնել։ Իսկ իշխանափոխությունը ոչ միայն այս վարչախմբի գնալն է, այլ որպեսզի նրա փոխարեն գա այնպիսի ուժ, որը կարողանում է երկիրը տանել կայուն զարգացման և անվտանգ ճանապարհով։ Ուստի՝ ձեր պատասխանը, այո՛, մենք գնալու ենք միասնական ճակատով, մեր ջանքերը այլ գաղափարակից ուժերի հետ համադրելու ճանապարհով»,-նշեց նա։

Չալաբյանը հրաժարվեց ասել՝ որ ուժերի հետ են բանակցություններ վարում։ Բացառում են և՛ գործող վարչախմբի, և՛ նրա «արբանյակների», և՛ նախորդ իշխանությունները ներկայացնող քաղաքական ուժերի հետ դաշինքները․ «Չենք կարող բացահայտել այսօրվա բանակցությունների նյուանսները, մենք դա կարող ենք անել այն ժամանակ, երբ որ այդ բանակցությունները հաջողությամբ ավարտին հասցվեն, և ձեր դեմ մենք կկանգնենք, դրա մասին կասենք»։

Ավետիք Չալաբյանը նշեց նաև, որ սոցիոլոգիական վերջին հետազոտությունները ցույց են տալիս՝ ընտրողների մոտ 65%-ն արդեն պատրաստ է գնալ ընտրությունների, նախկինում այս թիվը 50% էր։

«Թիվն աճում է, այդ լավ նորությունը ես ձեզ ասում եմ, բայց մեր նպատակը, իհարկե, պետք է լինի այն, որ 80 և ավելի տոկոսը ընտրողների գնան ընտրությունների, համոզված լինեն, որ նախ՝ ընտրություն ունեն, բայց և երկրորդը, որը կարևոր է, իրենց ձայնից բան է կախված, իրենց ձայնը պաշտպանվելու է։ Անցած տարի մենք երկու անգամ մասնակցել ենք ՏԻՄ ընտրություններին՝ որպես դիտորդական կազմակերպություն՝ չունենալով սեփական քաղաքական շահ, բայց ունենալով մեր քաղաքացիների ձայնը պաշտպանելու և իրենց դրանով իրենց համար հավելյալ վստահություն ստեղծելու շահ։ Ես հուսով եմ, որ դա մենք կկարողանանք նաև այլ ուժերով շարունակել, որպեսզի մեր քաղաքացիները իմանան՝ ընտրություններով բան է փոխվելու, դրա համար իրենք պետք է գնան ընտրությունների»,- ասաց նա՝ հավելելով, որ Գագիկ Ծառուկյանի կամ Սամվել Կարապետյանի հետ համագործակցելը կարող է ընտրություններից հետո լինել։

 

Եվգենյա Համբարձումյան