18.02.2026 | 14:15
ՀՀ-ն պետք է բացառի ՌԴ միջնորդությամբ քաղաքական հետապնդման ենթարկվող անձանց հանձնելու պահանջների կատարումը․ ՀՔԱՎ
Ադելիա Պետրոսյանի մարզիչ. Ելույթից առաջ Ադելիան մի քիչ վախեցրեց մեզ․ ՏԵՍԱՆՅՈՒԹ
18.02.2026 | 12:43
Գեղասահքի Ռուսաստանի եռակի չեմպիոն Ադելիա Պետրոսյանի մարզիչ Դանիիլ Գլեյհենգաուզը մեկնաբանել է 18-ամյա գեղասահորդի ելույթն Իտալիայում ընթացող 25-րդ ձմեռային Օլիմպիական խաղերի կանանց մենասահքի կարճ ծրագրում։ Հայ մարզիկը 72.89 միավորով գրավել էր 5-րդ տեղը և հնարավորություն ստացել մասնակցել նաև ազատ ծրագրին։
«Մի քիչ անհանգստացնող էր, բայց ես կարոտել էի այս ամենը։ Այն ադրենալինը, որը դու զգում ես Օլիմպիական խաղերում, որիշ ոչ մի տեղ չկա։ Կարոտում էի հենց այդ հույզերը։
Ելույթից առաջ Ադելիան բավական հանգիստ էր, ուրախ։ Սառույց դուրս գալուց առաջ նա նույնիսկ մի քիչ վախեցրեց մեզ՝ ասելով, որ ընդհանրապես չի անհանգստանում։ Ես ասում եմ, որ ոչ, ամեն դեպքում մի քիչ պետք է, դա օգտակար է»,- մարզիչի խոսքը մեջբերում է Okko-ն։
Ադելիա Պետրոսյանն Օլիմպիական խաղերին մասնակցում է չեզոք դրոշի ներքո։ Նա Ռուսաստանի նախորդ երեք առաջնությունների հաղթողն է։
Օլիմպիական խաղերի կանանց մենասահքի կարճ ծրագրի լավագույն եռյակում ընդգրկվել են ճապոնացիներ Ամի Նակային (78.71) ու Կաորի Սակամոտոն (77.23) և ամերիկացի Ալիսա Լիուն (76.59)։ Չորրորդ տեղում է Ճապոնիայի մեկ այլ ներկայացուցիչ Մոնե Չիբան է (74.00)։ Ազատ ծրագիրը տեղի կունենա փետրվարի 19-ին
Ադելիա Պետրոսյանի ելույթի տեսանյութն՝ այստեղ։
