Էլինա Ավանեսյանը կրել է երրորդ անընդմեջ պարտությունը
Հայաստանի ներկայացուցիչ Էլինա Ավանեսյանը չի կարողացել հաղթահարել Պորտուգալիայի Օէյրաշ քաղաքում անցկացվող WTA 125 մրցաշարի առաջին փուլի արգելքը։
23-ամյա թենիսիստը 3 սեթում պարտվել է Պորտուգալիան ներկայացնող Անգելինա Վոլոշչուկին ու դուրս մնացել պայքարից։ Աշխարհի 401-րդ ռակետ Վոլոշչուկը 2 ժամ 16 րոպեում հաղթել է 6։2, 4։6, 6։4 հաշվով։
Կանանց թենիսի ասոցիացիայի (WTA) դասակարգման աղյուսակում 178-րդ տեղը զբաղեցնող Էլինա Ավանեսյանը կրել է երրորդ անընդմեջ պարտությունը։ Այս ամսվա սկզբնամասում նա Չեխիայի Օստրավա քաղաքում կայացած WTA 250 շարքի մրցաշարում հաղթանակով մեկնարկելուց հետո պարտվել էր ամերիկացի Ալիսիա Պարկսին, իսկ փետրվարի 9-ին Պորտուգալիայում տեղի ունեցած Challenger մրցաշարի առաջին շրջանում պարտություն էր կրել շվեյցարացի Վիկտորիա Գոլուբիչից։