13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Լուիս Էնրիկե․ Հնարավոր է՝ «Մոնակոյի» դեմ խաղանք առանց դարպասապահի
17.02.2026 | 15:26
Ֆրանսիական ՊՍԺ-ի գլխավոր մարզիչ Լուիս Էնրիկեն «Մոնակոյի» դեմ Չեմպիոնների լիգայի անցումային փլեյ-օֆֆի առաջին հանդիպումից առաջ ակնարկել է, որ իր թիմի դարպասապահները հաճախ են վնասվածք ստանում այդ մրցակցի դեմ խաղերում։
«Չգիտեմ՝ արդյոք կարող եմ սպասել ավելի հանգիստ երեկո։ Գուցե մենք ընդհանրապես առանց դարպասապահի խաղանք (ծիծաղում է)։ Ոչ մի դարպասապահ չի ուզում խաղալ «Մոնակոյի» դեմ»,- իսպանացի մարզիչի խոսքը մեջբերում է Foot Mercato-ն։
Նախորդ մրցաշրջանում «Մոնակոյի» դեմ խաղում ՊՍԺ-ի կազմում դեմքի պատռվածք էր ստացել իտալացի դարպասապահ Ջանլուիջի Դոնարուման, իսկ վերջերս ֆրանսիացի Լյուկա Շևալյեն էր տուժել «Մոնակոյի» սենեգալցի կիսապաշտպան Լամին Կամարայի սահանկումից։ Վերջին խաղերում փարիզյան ակումբի դարպասը պաշտպանում է ռուս Մատվեյ Սաֆոնովը։
«Մոնակոն» ու ՊՍԺ-ն Չեմպիոնների լիգայի անցումային փլեյ-օֆֆի առաջին հանդիպումը կանցկացնեն փետրվարի 17-ին։
